Dard E Dil Kar Mujhe Ata Ya Rab Lyrics In English

Dard E Dil Kar Mujhe Ata Ya Rab,
De Mere Dard Ki Dawa Ya Rab

Be Sabab Baksh De Na Pooch Aamal,
Naam Ghaffar Hai Tera Ya Rab

Yuh Gumoo Ke Main Tujh Se Mil Jaun,
Yuh Gumaa Is Tarha Mila Ya Rab

Aib Mere Na Khol Mehshar Mein,
Naam Sattar Hai Tera Ya Rab

Har Bhale Ki Bhalai Ka Sadqa,
Mujh Nikamme Ko Kar Bhala Ya Rab

Laaj Rakhle Gunahgaron Ki,
Naam Rehman Hai Tera Ya Rab

Khaak Kar Apne Aastane Ki,
Yuh Hamein Khaak Mein Mila Ya Rab

Meri Ankhe Mere Liye Tarse,
Mujh Se Aisa Mujhe Chupa Ya Rab

Tees Kam Ho Na Dard E Ulfat Ki,
Dil Tadapta Rahe Mera Ya Rab

Teri Jaanib Yeh Musht E Khak Ude,
Bhej Aisi Koi Hawa Ya Rab

Sabaqat Rahmati Alaa Ghazabi,
Tune Jab Se Suna Diya Ya Rab

Tu Aasra Hum Gunahgaro Ka,
Aur Mazboot Ho Gaya Ya Rab

Ahle Sunnat Ki Har Jamaat Par,
Har Jaga Ho Teri Ata Ya Rab

Dushmanon Ke Liye Hidayat Ki,
Tujh Se Karta Hu Iltija Ya Rab

Meri Maa, Meri Behnain Bhanjay Sab,
Paayen Araam-E-Do Sara Ya Rab

Aur Bhi Jitne Pyaare Hai,
Hajatein Sab Ki Ho Rawa Ya Rab

Mere Ahbab Par Bhi Fazl Rahe
Tera Tere Habeeb Ka Ya Rab

Tu Hasan Ko Utha Hasan Karke,
Ho Aamal Khair Khaatima Ya Rab