Qurbaan Main Unki Bakhshish Ke Lyrics In English

Qurbaan Main Unki Bakhshish Ke,
Maqsad Bhi Zubaan Par Aaya Nahin,
Bin Maange Diya Aur Itna Diya,
Daaman Mein Hamaare Samaaya Nahin

Imaan Mila Unke Sadqe, Qur’aan Mila Unke Sadqe,
Rahmaan Mila Unke Sadqe, Woh Kya Hai Jo Humne Paaya Nahin

Unka To Shi‘aar Kareemi Hai,
Maail-Ba-Karam Hi Rehte Hain,
Jab Yaad Kiya Aye Sall-E-Ala,
Woh Aa Hi Gaye, Tadpaaya Nahin

Jo Dushman-E-Jaan The Unko Bhi Di,
Tumne Amaan Apnon Ki Tarah!
Yeh Afw-O-Karam Allah Allah,
Yeh Khulq Kisi Ne Paaya Nahin

Woh Rehmat Kaisi Rehmat Hai,
Mafhoom Samajh Lo Rehmat Ka,
Usko Bhi Galay Se Lagaaya Hai,
Jise Apna Kisi Ne Banaaya Nahin

Moanis Hain Wahi Majbooron Ke,
Ghamkhwaar Hain Sab Majbooron Ke,
Sarkaar-E-Madina Ne Tanha,
Kis Kis Ka Bojh Uthaaya Nahin

Dil Bhar Gaye Mangton Ke Lekin,
Dene Se Teri Niyyat Na Bhari,
Jo Aaya Use Bhar Bhar Ke Diya,
Mahroom Kabhi Lautaaya Nahin

Awaaz-E-Karam Deta Hi Raha,
Thak Haar Gaye Lene Waale!
Mangton Ki Hamesha Laaj Rakhi,
Mahroom Kabhi Lautaaya Nahin

Rehmat Ka Bharam Bhi Tum Se Hai,
Shafqat Ka Bharam Bhi Tum Se Hai,
Thukraaye Hue Insaan Ko Bhi,
Tumne To Kabhi Thukraaya Nahin

Khursheed-E-Qayaamat Ki Taabish,
Maana Ke Qayaamat Hi Hogi,
Hum Unke Hain Ghabraayein Kyun,
Kya Hum Pe Nabi Ka Saaya Nahin

Us Mohsin-E-Azam Ke Yun To,
Khalid Pe Hazaaron Ehsaan Hain,
Qurbaan Magar Us Ehsaan Ke,
Ehsaan Bhi Kya Tu Jataaya Nahin