Subh Taiba Mein Hui Batta Hai Bada Noor Ka Lyrics In English

Subh Taiba Mein Hui Batta Hai Bada Noor Ka,
Sadqa Lene Noor Ka Aaya Hai Tara Noor Ka

Bag E Taiba Mein Suhana Phool Phoola Noor Ka,
Mast E Boo Hain Bulbulein Padhti Hai Kalma Noor Ka

Barvien Ke Chand Ka Mujra Hai Sajda Noor Ka,
Barah Burjon Se Jhuka Ek Ik Sitara Noor Ka

In Ke Qasre Qadr Se Khuld Ek Kamra Noor Ka,
Sidrah Payein Baag Mein Nanha Se Paoda Noor Ka

Arsh Bhi Firdos Bhi Is Shahe Wala Noor Ka,
Ye Mushamman Burj Wo Mushkuae Aala Noor Ka

Aayi Bidat Chayi Zulmat Rang Badla Noor Ka,
Mah-E-Sunnat Mahr-E-Zulmat Le Le Badla Noor Ka

Ter Hi Mathe Raha Aye Jaan Sehra Noor Ka,
Bkht Jaga Noor Ka Chamka Sitara Noor Ka

Main Gada Tu Badshah Bhar De Pyala Noor Ka,
Noor Din Duna Tera De Dal Sadqa Noor Ka

Teri Hi Janib Hai Panchon Waqt Sajda Noor Ka,
Rukh Hai Qibla Noor Ka Abro Hai Kaba Noor Ka

Pusht Par Dhalka Sir Anvar Se Shamlah Noor Ka,
Dekhen Musa Toor Se Utra Shahifa Noor Ka

Taj Wale Dekh Kar Tera Imama Noor Ka,
Sir Jhukate Hain Ilahi Bol Bala Noor Ka

Aab-E-Zar Banta Hai Aariz Par Pasina Noor Ka,
Mushhafi Ijaz Par Chadta Hai Sona Noor Ka

Pech Karta Hai Fida Hone Ko Lamaaa Noor Ka,
Girde Sar Phirne Ko Banta Hai Imama Noor Ka

Tere Aage Khak Par Jhukta Hai Matha Noor Ka,
Noor Ne Paya Tere Sajde Se Sima Noor Ka

Tu Hai Saya Noor Ka Har Uzoo Tukda Noor Ka,
Saya Ka Saya Na Hota Hai Na Saya Noor Ka

Kya Bana Naame Khuda Asra Ka Dulha Noor Ka,
Sar Pe Sehra Noor Ka Bar Mein Shahana Noor Ka

Wasf-E-Rukh Mein Gati Hai Hurein Tarana Noor Ka,
Qudrati Beenon Mein Kya Bajta Hai Lehra Noor Ka

Dekhne Walon Ne Kuch Dekha Na Bhala Noor Ka,
Man Raai Kaisa Yeh Aaina Dekha Noor Ka

Nariyon Ka Daur Tha Dil Jal Raha Tha Noor Ka,
Tum Ko Dekha Ho Gaya Thanda Kaleja Noor Ka

Jo Gada Dekho Liye Jata Hai Toda Noor Ka,
Noor Ki Sarkar Hai Kya Is Mein Toda Noor Ka

Bhik Le Sarkar Se La Jald Kasa Noor Ka,
Maah-E-Taiba Mein Batta Hai Mahina Noor Ka

Teri Nasl-E-Paak Mein Hai Bachcha Bachcha Noor Ka,
Tu Hai Aaine Noor Tera Sab Gharana Noor Ka

Noor Ki Sarkar Se Paya Doshala Noor Ka,
Ho Mubarak Tumko Zunnurain Joda Noor Ka

Kis Ke Parde Ne Kiya Aaina Andha Noor Ka,
Mangta Firta Hai Aankhen Har Nagina Noor Ka

Ab Kaha Woh Tabishen Kaisa Woh Tadka Noor Ka,
Maher Ne Chhup Kar Kiya Khasa Dhundalka Noor Ka

Anbiya Ajza Hain To Bilkul Hai Jumla Noor Ka,
Is Ilake Se Hai Unpar Naam Sachcha Noor Ka

Chand Jhuk Jata Jidhar Ungli Uthathe Mahed Mein,
Kya Hi Chalta Tha Isharon Par Khilona Noor Ka

Ek Seena Tak Mushaba Ik Wahan Se Paaon Tak,
Husn-E-Sibtain In Ke Jaamon Mein Hai Neema Noor Ka

Aye Raza Yeh Ahmad-E-Noori Ka Faize Noor Hai,
Ho Gayi Meri Gazal Padh Kar Kasida Noor Ka