اندھیری رات ہے غم کی گھٹا عصیاں کی کالی ہے Lyrics In اردو

(اندھیری رات ہے غم کی گھٹا عصیاں کی کالی ہے, دلِ بے کس کا اِس آفت میں آقا تُو ہی والی ہے)

Written By

Shan E Nabi Team Desk

Editors Desk
شامل کیا گیاnot available

visibilityبار دیکھا گیا
comment تبصرے
thumb_up0 بار پسند کیا گیا
shareشیئر کریں

عنوان: اندھیری رات ہے غم کی گھٹا عصیاں کی کالی ہے

زمرہ: کلام کے بول (لیرکس) نعت کے بول (لیرکس)

مصنف/گیتکار: کلام اعلیٰ حضرت امام احمد رضا

نعت خوان/ فنکار: مختلف/نامعلوم

شامل کیا گیا: 15 Apr, 2026 04:05 PM IST

دیکھا گیا: 150

Time to read: 1 min read

بول کی زبان منتخب کریں:

English اردو हिन्दी

اندھیری رات ہے غم کی گھٹا عصیاں کی کالی ہے
دلِ بے کس کا اِس آفت میں آقا تُو ہی والی ہے

نہ ہو مایوس آتی ہے صَدا گورِ غریبَاں سے
نبی اُمّت کا حامی ہے خدا بندوں کا والی ہے

اُترتے چاند ڈھلتی چاندنی جو ہو سکے کر لے
اندھیرا پاکھ آتا ہے یہ دو دن کی اُجالی ہے

ارے یہ بھیڑیوں کا بن ہے اور شام آگئی سر پر
کہاں سویا مسافر ہائے کتنا لا اُبالی ہے

اندھیرا گھر، اکیلی جان، دَم گُھٹتا، دِل اُکتاتا
خدا کو یاد کر پیارے وہ ساعت آنے والی ہے

زمیں تپتی، کٹیلی راہ، بَھاری بوجھ، گھائل پاؤں
مصیبت جھیلنے والے تِرا اللہ والی ہے

نہ چَونکا دن ہے ڈھلنے پر تری منزل ہوئی کھوٹی
ارے او جانے والے نیند یہ کب کی نکالی ہے

رضاؔ منزل تو جیسی ہے وہ اِک میں کیا سبھی کو ہے
تم اس کو روتے ہو یہ تو کہو یاں ہاتھ خالی ہے

wand_stars

Lyrics Explanation, Word Meanings & Summary

keyboard_arrow_down

یہ کلامِ رضاؔ انسان کو غفلت سے بیدار کرنے اور آخرت کی تیاری کی طرف راغب کرنے کا ایک بہترین ذریعہ ہے۔

خلاصہ و تشریح (Summary & Explanation)

اس کلام میں امام احمد رضا خان زندگی کی بے ثباتی اور قبر کی تنہائی کا نقشہ کھینچتے ہوئے کہتے ہیں کہ یہ دنیا چند روزہ ہے، جہاں گناہوں کا اندھیرا ہر طرف چھایا ہوا ہے۔ ایسے میں گھبرانے کے بجائے خدا کی یاد اور نبی کریم ﷺ کے وسیلے کو تھامنا چاہیے، کیونکہ وہاں اصل دکھ منزل کی سختی کا نہیں بلکہ نیک اعمال سے خالی ہاتھ ہونے کا ہوگا۔

مشکل الفاظ کے معنی (Word Meanings)

لفظ	معنی
عصیاں (Asiyan)	گناہ / نافرمانیاں
دلِ بے کس	بے سہارا اور مجبور دل
گورِ غریباں	غریبوں یا مسافروں کی قبر
حامی (Hami)	مددگار / طرفداری کرنے والا
لا اُبالی (La-Ubali)	بے پرواہ / غافل
ساعت (Sa'at)	گھڑی / وقت (مراد موت کا وقت)
کھوٹی (Khoti)	مشکل میں پڑ جانا / خراب ہونا
والی (Wali)	مالک / سرپرست / مددگار
پاکھ (Paakh)	پندرہ دن کا عرصہ (مراد اندھیری رات)