Nemate Banta Jis Samt Woh Zeeshan Gaya

Nematen Banta Jis-Samt Woh Zeeshaan Gaya,
Saath Hi Munshi-E-Rahmat Ka Qalamdaan Gaya

Lay Khabr Jald Ki Ghairon Ki Taraf Dhayaan Gaya,
Mere Mawla Mere Aaqa Tere Qurbaan Gaya

Aah Woh Aankh Jo Nakaame Tamanna Hi Rahi,
Haye Wo Dil Jo Tere Darr Se Pur-Armaan Gaya

Dil Hai Voh Dil Jo Teri Yaad Se Ma’moor Raha,
Sar Hai Voh Sar Jo Tere Qadmon Pe Qurbaan Gaya

Unhe Jaana, Unhe Maana Na Rakha Gair Se Kaam,
Lillahil Hamd Main Duniya Se Musalmaan Gaya

Aur Tum Par Mere Aaqa Ki Inaayat Na Sahi,
Najdiyo Kalma Padhaanay Ka Bhi Ehsaan Gaya

Aaj Lay Unki Panaah, Aaj Madad Maang Unsay,
Phir Na Maaneingay, Qayamat Mein Agar Maan Gaya

Uff Re Munkir Ye Badha Joshe Ta-assub Aakhir,
Bheed Mein Haath Se Kambakht Ke Imaan Gaya

Jaan O Dil Hosh O Khird Sab Toh Madinay Paunchay,
Tum Nahin Chaltay Raza Saara Toh Saamaan Gaya