نعتِ رسولِ پاک کا مصرع ہے خوب تر Lyrics In اردو

(نعتِ رسولِ پاک کا مصرع ہے خوب تر, یا صاحب الجمال و یا سید البشر)

Written By

Shan E Nabi Team Desk

Editors Desk
شامل کیا گیاnot available

visibilityبار دیکھا گیا
comment تبصرے
thumb_up0 بار پسند کیا گیا
shareشیئر کریں

عنوان: نعتِ رسولِ پاک کا مصرع ہے خوب تر

زمرہ: نعت کے بول (لیرکس)

مصنف/گیتکار: مختلف/نامعلوم

نعت خوان/ فنکار: اسد اقبال کلکتوی

شامل کیا گیا: 11 Sep, 2025 01:44 PM IST

دیکھا گیا: 1K

Time to read: 2 min read

بول کی زبان منتخب کریں:

English اردو हिन्दी

نعتِ رسولِ پاک ﷺ کا مصرع ہے خوب تر،
یا صاحب الجمال و یا سید البشر

انسان تو انسان ہے، کہتے ہیں جانور،
یا صاحب الجمال و یا سید البشر

دیدارِ مصطفیٰ کو یہ دل بے قرار تھا،
وہ آ رہے ہیں جن کا ہمیں انتظار تھا،
امت بروزِ حشر کہے گی یہ جھوم کر،
یا صاحب الجمال و یا سید البشر

نظارہ جب کیا تيرے حُسن و جمال کا،
پانی اُتر گیا تھا فلک کے ہلال کا،
پیارے نبیؐ کو دیکھ کے یہ کہہ اُٹھا قمر،
یا صاحب الجمال و یا سید البشر

سرکارؐ کے چہرے پہ جب اُن کی نظر پڑی،
حضرت عمرؓ کے ہاتھ سے تلوار گر گئی،
رُوئے نبیؐ کو دیکھ کر بولے یہی عمرؓ،
یا صاحب الجمال و یا سید البشر

دیدار جب تلک نہ ہوا تھا حضورؐ کا،
پھولوں کو اپنے حُسنِ مجسم پہ ناز تھا،
کہتے ہیں اب یہ پھول بھی آقاؐ کو دیکھ کر،
یا صاحب الجمال و یا سید البشر

روح الامین سارا جہاں گھوم کے بولے،
سرکارؐ کے قدموں کو یہی چوم کے بولے،
تُم سا حسین کوئی بھی آیا نہیں نظر،
یا صاحب الجمال و یا سید البشر

جب عشقِ مصطفیٰؐ میں وہ سرشار ہو گئے،
اپنی زباں سے وہ صدیقؓ کہہ اُٹھے،
ہر فرد میرے گھر کا ہے قربان آپ پر،
یا صاحب الجمال و یا سید البشر

دونوں جہاں کا تُو حسیں انتخاب ہے،
کیسے ملے جواب کہ تُو لاجواب ہے،
بعد از خدا بزرگ تُوہی، قصہ مختصر،
یا صاحب الجمال و یا سید البشر

یا صاحب الجمال و یا سید البشر
یا صاحب الجمال و یا سید البشر

wand_stars

Lyrics Explanation, Word Meanings & Summary

keyboard_arrow_down

یہ نعتِ رسول ﷺ حضور پاک ﷺ کے بے مثال حسن اور کائنات میں آپ ﷺ کے بلند ترین مقام کی خوبصورت ترجمانی ہے۔ اس میں حضرت جامیؒ کے مشہور عربی مصرعے کو بنیاد بنا کر آپ ﷺ کی عظمت بیان کی گئی ہے۔

اشعار کی تشریح (Lyrics Explanation)

شاعر کہتا ہے کہ آپ ﷺ کی خوبصورتی کا عالم یہ ہے کہ آسمان کا چاند اور زمین کے پھول بھی آپ ﷺ کے سامنے ماند پڑ جاتے ہیں۔ آپ ﷺ کے روئے مبارک کا اثر ایسا ہے کہ حضرت عمرؓ جیسی جلال والی شخصیت کے ہاتھ سے تلوار گر جاتی ہے اور حضرت ابوبکر صدیقؓ اپنا سب کچھ آپ ﷺ پر قربان کرنے کا اعلان کرتے ہیں۔

الفاظ کے معنی (Word Meanings)

لفظ	معنی
صاحب الجمال	حسن و جمال والے / انتہائی خوبصورت
سید البشر	تمام انسانوں کے سردار
بروزِ حشر	قیامت کے دن
فلک کا ہلال	آسمان کا چاند
حُسنِ مجسم	سراپا خوبصورتی
روح الامین	حضرت جبرائیلؑ کا لقب
سرشار	محبت میں ڈوبا ہوا / مدہوش
قصہ مختصر	بات کا خلاصہ / مختصر یہ کہ

خلاصہ (Summary)

اس نعت کا خلاصہ یہ ہے کہ اللہ تعالیٰ کے بعد کائنات کی سب سے بزرگ اور برتر ہستی محمد مصطفیٰ ﷺ ہیں۔ شاعر کے مطابق، چاہے فرشتے ہوں یا انسان، ہر کوئی آپ ﷺ کے لاجواب حسن اور بے مثل کردار کا معترف ہے۔ مختصر یہ کہ آپ ﷺ دونوں جہانوں کا سب سے بہترین انتخاب ہیں جن کا کوئی ثانی نہیں۔

"بعد از خدا بزرگ تُوہی، قصہ مختصر" — کیا آپ کو نہیں لگتا کہ یہ ایک مصرعہ حضور ﷺ کی پوری شان بیان کرنے کے لیے کافی ہے؟