گم ہو گئے بے شمار آقا Lyrics In اردو

(گم ہو گئے بے شمار آقا, بندہ تیرے نثار آقا)

Written By

Shan E Nabi Team Desk

Editors Desk
شامل کیا گیاnot available

visibilityبار دیکھا گیا
comment تبصرے
thumb_up0 بار پسند کیا گیا
shareشیئر کریں

عنوان: گم ہو گئے بے شمار آقا

زمرہ: نعت کے بول (لیرکس)

مصنف/گیتکار: کلام اعلیٰ حضرت امام احمد رضا

نعت خوان/ فنکار: اسد اقبال کلکتوی غلام مصطفی قادری اویس رضا قادری

شامل کیا گیا: 08 Dec, 2025 02:22 PM IST

دیکھا گیا: 123

Time to read: 2 min read

بول کی زبان منتخب کریں:

English اردو हिन्दी

گم ہو گئے بے شمار آقا،
بندہ تیرے نثار آقا

بگڑا جاتا ہے کھیل میرا،
آقا آقا سنوار آقا

منجدھار پہ آ کے ناؤ ٹوٹی،
دے ہاتھ کی ہوں میں پار آقا

ٹوٹی جاتی ہے پیٹھ میری،
لِلّٰہ یہ بوجھ اتار آقا

ہلکا ہے اگر ہمارا پلہ،
بھاری ہے تیرا وقار آقا

مجبور ہیں ہم تو فکر کیا ہے،
تم کو تو ہے اختیار آقا

میں دور ہوں تم تو ہو میرے پاس،
سن لو میری پکار آقا

مجھ سا کوئی غمزدہ نہ ہوگا،
تم سا نہیں غمگسار آقا

گرداب میں پڑ گئی ہے کشتی،
ڈوبا ڈوبا، اتار آقا

تم وہ کہ کرم کو ناز تم سے،
میں وہ کہ بدی کو آر آقا

پھر منہ نہ پڑے کبھی خزاں کا،
دے دے ایسی بہار آقا

جس کی مرضی خدا نہ ٹالے،
میرا ہے وہ نامدار آقا

ہے ملکِ خدا پہ جس کا قبضہ،
میرا ہے وہ کامگار آقا

سویا کیے نابکار بندے،
رویا کیے زار زار آقا

کیا بھول ہیں اُن کے ہوتے کہلائیں،
دنیا کے یہ تاجدار آقا

اُن کے ادنیٰ گدا پہ مٹ جائیں،
ایسے ایسے ہزار آقا

بے ابرِ کرم کے میرے دھبّے،
لَا تَغْسِلُہَا الْبِحَار آقا

اتنی رحمت رضا پہ کر لو،
لَا يَقْرُبُهُ الْبَوَار آقا

wand_stars

Lyrics Explanation, Word Meanings & Summary

keyboard_arrow_down

یہ کلام امام احمد رضا خان بریلوی کا تحریر کردہ ایک نہایت پُردرد استغاثہ (فریاد) ہے، جس میں ایک بے بس امتی اپنے گناہوں اور دنیاوی مصائب کے بوجھ سے نجات کے لیے حضور ﷺ کی بارگاہ میں التجا کر رہا ہے۔

اشعار کی تشریح (Lyrics Explanation)

شاعر کہتا ہے کہ اے آقا ﷺ! غموں نے مجھے چاروں طرف سے گھیر لیا ہے اور میری زندگی کی کشتی منجدھار میں پھنس کر ٹوٹ رہی ہے۔ میں اپنی مجبوریوں کے ہاتھوں بے بس ہوں، لیکن آپ ﷺ صاحبِ اختیار ہیں، لہٰذا اپنے کرم کا ہاتھ دے کر میری بگڑی سنوار دیجیے۔

الفاظ کے معنی (Word Meanings)

لفظ	معنی
نثار	قربان ہونا
منجدھار	دریا کے بیچ کی لہر (بھنور)
وقار	عزت اور مرتبہ
اختیار	قدرت اور بس ہونا
غمگسار	غم بانٹنے والا / ہمدرد
گرداب	پانی کا چکر یا بھنور
نابکار	نکما یا گنہگار
تاجدار	بادشاہ

خلاصہ (Summary)

اس نعت کا خلاصہ یہ ہے کہ دنیا کے تمام بادشاہ حضور ﷺ کے ایک معمولی فقیر کے برابر بھی نہیں ہیں کیونکہ آپ ﷺ وہ ہستی ہیں جن کی مرضی کو اللہ بھی نہیں ٹالتا۔ شاعر اپنے گناہوں کی سیاہی دھونے کے لیے حضور ﷺ کے ابرِ کرم کا طالب ہے، تاکہ اس کی ڈوبتی ہوئی کشتی کنارے لگ جائے اور اسے ابدی فلاح مل جائے۔

نعت کے مقطع (آخری حصے) میں شاعر "رضا" نے اپنے گناہوں کے دھبے دھونے کے لیے کس چیز کی طلب کی ہے، اور ان کی آخری التجا کیا ہے؟