Gam Ho Gaye Beshumar Aaqa Lyrics In English

Gam Ho Gaye Beshumar Aaqa,
Banda Tere Nisaar Aaqa

Bigda Jaata Hai Khel Mera,
Aaqa Aaqa Savaar Aaqa

Manjdhaar Pe Aake Naav Tuti,
De Hath Ki Hun Main Paar Aaqa

Tuti Jati Hain Peeth Meri,
Lillah Ye Bojh Utaar Aaqa

Halka Hai Agar Hamara Palla,
Bhari Hain Tera Waqar Aaqa

Majboor Hain Hum To Fikr Kya Hai,
Tumko To Hai Ikhtiyar Aaqa

Main Dur Hun Tum To Ho Mere Paas,
Sun Lo Meri Pukaar Aaqa

Mujhsa Koi Gamzada Na Hoga,
Tumsa Nahi Gamgusar Aaqa

Gardaab Mein Pad Gayi Hai Kashti,
Duba Duba, Utaar Aaqa

Tum Wo Ki Karam Ko Naaz Tumse,
Main Wo Ke Badii Ko Aar Aaqa

Fir Munh Na Pade Kabhi Khiza Ka,
De De Aisi Bahaar Aaqa

Jiski Marzi Khuda Na Taale,
Mera Hai Wo Naamdar Aaqa

Hain Mulke Khuda Pe Jiska Qabza,
Mera Hai Wo Kaamgar Aaqa

Soya Kiye Naabkaar Bande,
Roya Kiye Zaar Zaar Aaqa

Kya Bhul Hai Unke Hote Kahlayein,
Duniya Ke Yeh Tajdaar Aaqa

Unke Adna Gada Pe Mit Jayein,
Aise Aise Hazaar Aaqa

Be-Abre Karam Ke Mere Dhabbe,
La Tagsiluhal-Bihar Aaqa

Itni Rehmat Raza Pe Kar Lo,
La Yakrubuhul Bawaar Aaqa