Assalam Alaika Ya Rasool Allah/Aaqa Le Lo Salaam Ab Hamara

Assalam Alaika Ya Rasool Allah
Assalam Alaika Ya Rasool Habiballah

Salam Us Par Ke Jis Ne Bekason Ki Dastagiri Ki,
Salam Us Par Ke Jis Ne Badshahi Mein Fakiri Ki,
Salam Us Par Ke Jis Ke Pass Chandi Thi Na Sona Tha,
Salam Us Par Ke Toota Boriya Jiska Bichauna Tha

Aaqa Le Lo Salaam Ab Hamara,
Sabaa Tu Madine Jaa Ke Kehna Khudara,
Aaqa Le Lo Salaam Ab Hamara

Ghum Se Hain Toote Hue, Zulmo Se Loote Hue,
Muddat Hui Ya Nabi, Qismat Ko Roothe Hue,
Rouze Mehshar Ummati Ka Aap Hi Sahara

Aaqa Le Lo Salaam Ab Hamara

Chand Ke Tukde Kiye, Pedon Ne Sajde Kiye,
Suraj Palat Aa Gaya, Yeh Moujeze Aapke,
Ummati Kya Khud Khuda Hain Shaeda Tumhara

Aaqa Le Lo Salaam Ab Hamara

Noore Khuda Aap Hai, Shah E Khuda Aap Hai,
Aise Bane Anmbiya, Behr E Sakha Aap Hai,
Yeh Hai Azmat Rab Ne Tum Par Quraan Utara

Aaqa Le Lo Salaam Ab Hamara

Din Raat Roti Hain Yeh, Ummat Tumhare Liye,
Ho Jaye Nazre Karam, Aaqa Hamare Liye,
Taiba Ki Un Galiyon Ka Kab Hoga Nazara

Aaqa Le Lo Salaam Ab Hamara

Sab Ambiya Ke Imam, Tum Par Ho Laakho Salaam,
Rouze Pe Aaye Majeed, Kehta Hai Ye Subho Sham,
Zindagi Me Aas Ka Na Toote Sitara

Aaqa Le Lo Salaam Ab Hamara,
Sabaa Tu Madine Jaa Ke Kehna Khudara,
Aaqa Le Lo Salaam Ab Hamara