Fatah E Karbala, Ibn E Shere Khuda, Jo Na Peeche Hata
Shor Hai Jiski Talwar Ka
Wo Nawasa Hai Sarkar Ka

Kehne Ko The Hazaron Yazide Magar
Aale Pak E Nabi Se Mili Jab Nazar
Dekh Kar Unke Tever Wo Ghabra Gaye
Din Me Dushman Ko Tare Nazar Aagaye
Bhooli Hogi Na Nehre Furat Abhi
Todata Hoga Us Pe Qayamat Abhi
Roab Abbas Alamdar Ka
Wo Nawasa Hai Sarkar Ka

Zulfkar E Ali Daste Akbar Mein Thi
Wohi Talvar Jo Bab E Khaebar Mein Thi
Ek Taraf Se Udate Gaye Sar Pe Sar
Shahzade Ne Aisa Machaya Gadar
Ran Mein Akbar Ke Lab Pe Sada Thi Yahi
Raang Fika Hua Hai Na Hoga Kabhi
Mere Baba Ki Dastar Ka
Wo Nawasa Hai Sarkar Ka

Mustafa Ke Nawaso Ko Pehchan Le
Hai Yeh Sardare Jannat Bhi Yeh Jan Le
Rab Ne Bakshe Hai Inko Bade Martabe
Kapde Aaye Hai Jannat Se Unke Liye
Unko Kandhe Pe Bithlate The Mustafa
Aye Yazid Ab Bata Teri Aauqat Kya
Tu Nahi Unke Meyar Ka
Wo Nawasa Hai Sarkar Ka

Khel Thodi Hai Aale Nabi Par Sitam
Dono Aalam Ko Iska Abhi Tak Hai Gam
Chod Jayenge Na Aise Farhan Woh
Sayad Isko Samjhte Hai Aasan Woh
Pesh Honge Yazidi Jo Peshe Khuda
Hashr Mein Hashr Hoga Bohot Hi Bura
Ibn E Zehra Ke Gaddar Ka
Wo Nawasa Hai Sarkar Ka