Unki Mahek Ne Dil Ke Ghunche Khila Diye Hain Lyrics In English

Unki Mahek Ne Dil Ke Ghunche Khila Diye Hain,
Jis Raah Chal Diye Hain Kooche Basa Diye Hain

Ek Dil Hamara Kya Hai Aazaar Uska Kitna,
Tum Ne To Chalte Phirte Murde Jila Diye Hain

Unke Nisar Koi Kaise Hi Ranj Mein Ho,
Jab Yaad Aa Gaye Hain Sab Gam Bhula Diye Hain

Asra Mein Guzre Jis Dam Bede Pe Qudsiyon Ke,
Hone Lagi Salaami Parchum Jhuka Diye Hain

Jab Aa Gayen Hai Josh E Rehmat Pe Unki Ankhen,
Jalte Bujha Diye Hain Rote Hansa Diye Hain

Mere Karim Se Gar Qatra Kisi Ne Maanga,
Dariya Baha Diye Hain Durbe Baha Diye Hain

Allah Re Kya Jahannam Ab Bhi Na Sard Hoga,
Ro Ro Ke Mustafa Ne Dariya Baha Diye Hain

Mulk E Sukhn Ki Shahi Tum Ko Raza Musallam,
Jis Simt Aa Gaye Hain Sikke Bitha Diye Hain

Hum Se Faqir Bhi Ab Sehri Ko Uthte Honge
Ab To Ghani Ke Dar Par Bistar Jama Diye Hain

Aane Do Ya Dubo Do Ab To Tumhari Janib,
Kashti Tumhi Pe Chodi Langar Utha Diye Hain

Dulha Se Itna Kehdo Pyare Sawari Roko,
Mushkil Mein Hain Baraati Purkhar Laa Diye Hain