Ser E Gulshan Kaun Dekhe Dasht E Taiba Chor Kar

Ser-e-gulshan Kaun Dekhe Dasht-e-Taiba Chor Kar
Sooe Jannat Kaun Jaaye Dar Tumhara Chor Kar

Sar Guzasht-e-gham Kahoon Kise Tere Hote Huwe
Kis Ke Dar Pe Jaauun Tera Aastana Chor Kar

Mar Hi Jaaoon Mein Agar Is Dar Se Jaaoon Do Qadam
Kyaa Bache Bimaar-e-gham Qurb-e-maseehaa Chor Kar

Be Liqa E Yaar Unko Chain Aaja Ta Agar
Baar Baar Aate Na Yu Zibraiyil Shidra Chod Kar

Bakhshwana Mujh Se Aasee Ka Rwaa Hoga Kise
Kis Ke Daaman Mein Chupon Daaman Tumhara Chor Kar

Hashr Mein Ik Ik Mun Jo Takte Phirte Hain ‘udo
Aafton Mein Phans Gaye Inka Sahara Chor Kar

Mar Ke Jeete Hain Jo Unke Dar Pe Jaate Hain Hassan
Jii Ke Marte Hain Jo Aate Hain Madinah Chor Kar