Sahara Chahiye Sarkar Zindagi Ke Liye Lyrics In English

Written By

Editors Desk
Addednot available

visibilityviews
comment comments
thumb_up0 likes
shareShare

Title : Sahara Chahiye Sarkar Zindagi Ke Liye

Category : Naat Lyrics

Writer/Lyricist : Various/Unknown

Naatkhwan/Artist : Hafiz Tahir Qadri Owais Raza Qadri

Added On : 08 Apr, 2023 09:42 AM IST

Views : 1K

Time to read: 3 min read

Select Lyrics Language:

English اردو हिन्दी

Mere Aaqa Madine Bula Lijiye
Mere Aaqa Madine Bula Lijiye

Sahara Chahiye Sarkar Zindagi Ke Liye
Tadap Raha Hoon Madine Ki Hazri Ke Liye

Taiba Ke Jaane Wale, Jakar Bade Adab Se
Mera Bhi Qissa E Gham, Kehna Shah E Arab Se
Kehna Ke Shah-E-Aalam, Ek Ranjo Ghum Ka Maara
Dono Jahaan Mein Jiska Hain Aap Hi Sahara
Haalaat E Pur Alam Se, Iss Dum Guzar Raha Hai
Or Kaampte Labon Se Fariyaad Kar Raha Hai
Paaye Gunaah Apna Hai Dosh Par Uthaye
Koi Nahi Hai Esa Jo Puchne Ko Aaye
Bhula Hua Musafir Manzil Ko Dhoondta Hai
Taarikiyo Ko Maah-E-Kaamil Ko Dhoondta Hai
Seene Mein Hai Andhera, Dil Hai Siyaah Khana
Yeh Hai Meri Kahaani Sarkar Ko Sunana
Kehna Mere Nabi Se Mehroom Hu Khushi Se
Kehna Mere Nabi Se Mehroom Hu Khushi Se
Sarwar Qabr-E-Ghum Hai, Ashkon Se Aankh Nam Hai
Paamaal-E-Zindgi Hoon, Sarkar Ummati Hoon
Ummat Ke Rehnuma Ho, Kuch Arz-E-Haal Sun Lo
Fariyaad Kar Raha Hoon, Main Dil Figaar Kab Se
Mera Bhi Qissa-e-Ghum Kehna Shah-e-Arab Se

Huzoor Aisa Koi Intezam Ho Jaye
Salam Ke Liye Hazir Ghulam Ho Jaye

Sahara Chahiye Sarkar Zindagi Ke Liye
Tadap Raha Hoon Madine Ki Hazri Ke Liye

Mera Dil Tadap Raha Hai, Mera Jal Raha Hai Seena
Ke Dawaa Wahi Milegi, Mujhe Le Chalo Madina
Nahi Maal-O-Zar To Kya Hai, Main Garib Hoon Yahi Na
Mere Ishq Mujhko Le Chal, Tu Hi Janib-E-Madina
Aaqa Na Toot Jaye, Ye Dil Ka Aabghina
Ab Ke Baras Bhi Maula, Reh Jaoon Main Kahin Na
Dil Ro Raha Hai Jin Ka, Aansoo Chalak Rahe Hain
Un Aashiqon Ka Sadqa Bulwayiye Madina

Mere Aaqa Madine Bula Lijiye
Mere Aaqa Madine Bula Lijiye

Madine Jaaoon Phir Aaoon Dobara Phir Jaaoon
Yeh Zindagi Meri Yunhi Tamaam Ho Jaye

Sahara Chahiye Sarkar Zindagi Ke Liye
Tadap Raha Hoon Madine Ki Hazri Ke Liye

Ae Aazam-E-Madina Jaakar Nabi Se Kehna
Soze Gham E Alam Se Ab Jal Raha Hai Seena
Kehna Ke Badh Rahi Hai Ab Dil Ki Iztraabi
Qadmo Se Door Hoon Mein Qismat Ki Hai Kharaabi
Kehna Ke Dil Main Mere Armaan Bhare Huwe Hai
Kehna K Hasraton Ke Nashtar Choobe Huwe Hai
Hain Aarzoo Yeh Dil Ki, Mein Bhi Madine Jaoon
Sultan-e-Do Jahaan Ko Daagh-e-Jigar Dikhaoon
Kaatoon Hazaar Chakkar Taiba Ki Har Gali Ke
Yunhi Guzaar Doon Mein Ayyaam Zindgi Ke
Phoolon Pe Jaan Nisaaroon, Kaanton Pe Dil Ko Waaroon
Zarron Ko Doon Salaami, Dar Ki Karoon Ghulami
Deewar-o-Dar Ko Choomoon, Chokhat Pe Sar Ko Rakh Doon

Roze Ko Dekh Kar Main Rota Rahoon Baraabar
Aalam Ke Dil Mein Hai Yeh Hashrat Najaane Kab Se
Hum Sab Ke Dil Mein Hai Yeh Hashrat Najaane Kab Se
Mera Bhi Qissa-e-Ghum Kehna Shah-e-Arab Se

Sahara Chahiye Sarkar Zindagi Ke Liye
Tadap Raha Hoon Madine Ki Hazri Ke Liye

Ek Roz Hoga Jana Sarkar Ki Gali Mein
Hoga Wahi Thikaana Sarkar Ki Gali Mein
Dil Mein Nabi Ki Yaadein, Lab Par Nabi Ki Naatein
Jaana To Aise Jaana Sarkar Ki Gali Mein

Ya Mustafa Khudara Do Izn Haazri Ka
Kar Loon Nazaara Aakar Main Aap Ki Gali Ka
Ek Baar To Dikha Do Ramzan Mein Madina
Iss Baar To Dikha Do Ramzan Mein Madina
Aaqa Hamein Dikha Do Ramzan Mein Madina
Beshak Bana Lo Aaqa Mehman Do Ghadi Ka

Naseeb Walon Mein Mera Bhi Naam Ho Jaye
Jo Zindagi Ki Madine Mein Shaam Ho Jaye

Sahara Chahiye Sarkar Zindagi Ke Liye
Tadap Raha Hoon Madine Ki Hazri Ke Liye

Bula Lo Na Bula Lo Na
Aaqa Aaqa Aaqa

wand_stars

Lyrics Explanation, Word Meanings & Summary

keyboard_arrow_down

Ye naat sharif Madine ki hazri ke liye ek tadapte hue aashiq ke dil ki faryad hai. Shayer apni majboori aur gunahon ka bojh liye Huzoor ﷺ se Madine bulane ki guzarish karta hai, kyunki unke ghamon aur bechaini ki dawa sirf darbar-e-mustafa mein hi mil sakti hai.

Lyrics Explanation

Is lyrics ka matlab hai ki shayer Madine jaane wale musafiron (Azam-e-Madina) se keh raha hai ki mera dukh bhara qissa Shah-e-Arab (Huzoor ﷺ) se zaroor kehna. Woh faryad karta hai ki uske paas bhale hi maal-o-daulat (maal-o-zar) nahi hai, lekin dil mein ishq-e-rasool ki aag hai, isliye unka dil chahta hai ki unki zindagi ki aakhri shaam Madine mein hi guzre.

Word Meanings (Shabd-Arth)

Word	Meaning (English/Hindi)
Pur Alam	Full of sorrow / Gham se bhara hua
Maah-E-Kaamil	Full moon / Poora chand (Yahan ishara Huzoor ﷺ ki zaat par hai)
Dil Figaar	Broken-hearted / Toote hue dil wala
Maal-O-Zar	Wealth and gold / Dhan-daulat
Aabghina	Glass or Mirror / Kaanch ya katora (Yahan dil ke liye istemal hua hai)
Azram-E-Madina	One traveling to Medina / Madine jaane ka irada karne wala
Iztraabi	Restlessness / Bechaini
Izn	Permission / Ijaazat

Summary (Saar)

Is kalam ka lable-lubab (nichod) yeh hai ki duniya ki musibaton aur gunahon se pareshan har momin ke dil ki yeh khwahish hoti hai ki use kam se kam ek baar Ramzan ke mahine mein Madine ki hazri naseeb ho. Shayer Huzoor ﷺ ke darbar mein bakhair kisi sahare ke sirf unki chashm-e-karam par yaqeen rakhta hai aur dua karta hai ki uski zindagi ka khatma Madina Munawwara ki galiyon mein ho.

Shayer ne 'Maah-e-Kaamil' shabd ka istemal kiske liye kiya hai, aur woh Ramzan ke mahine mein kya khwahish poori karna chahta hai?