Kuch Kare Aapny Yar Ki Baaten

Kuch Karen Apne Yaar Ki Baaten
Kuch Dil E Daagh-daar Ki Baaten

Hum To Dil Apna De Hee Baythe Hain
Ab Ye Kya Ikhtiyaar Ki Baaten

Main Bhi Guzra Hoon Dawr E Ulfat Se
Mat Suna Mujh Ko Pyaar Ki Baaten

Ahl E Dil Hee Yahaañ Nahin Ko-ee
Kya Karen Haal E Zaar Ki Baaten

Pee Ke Jaam E Muhabbat E Jaanan
Allah-Allah Khumaar Ki Baaten

Mar Na Jaana Mat`a E Dunya Par
Sun Ke Tu Maaldar Ki Baaten

Yun Na Hote Aseer E Zil’lat Tum
Sunte Gar Hoshiyaar Ki Baaten

Har Ghar’ee Wajd Me Rahe Akhtar
Kijiye Us Dayaar Ki Baaten