Unki Tasweer Seene Mein Maujood Hai, Unka Jalwa To Seene Mein Maujood Hai/Hum Ne Aankhon Se Dekha Nahin Hai Magar

Humne Aankhon Se Dekha Nahin Hai Magar,
Unki Tasweer Seene Mein Maujood Hai,
Jisne Laa Kar Kalaame Ilaahi Diya,
Wo Muhammad Madine Mein Moujud Hai,

Hai Nazar Mein Jamaale Habibe Khuda,
Unki Tasweer Seene Mein Maujood Hai,
Jisne Laakar Kalaame Ilaahi Diya,
Wo Muhammad Madine Mein Maujood Hai,

Phool Khilte Hain Pad Kar Ke Salle Ala,
Jhoom Kar Keh Rahi Hai Ye Baad-E-Saba,
Aisi Khushbu Chaman Ke Ghulon Mein Kahan,
Jo Nabi Ke Pasine Mein Maujood Hai,

Chodna Tera Tayba Gawara Nahin,
Sari Duniya Mein Aisa Nazara Nahin,
Aisa Manzar Zamane Ne Dekha Nahin,
Jaisa Manzar Madine Mein Maujood Hai,

Humne Mana Ke Jannat Bahot Hai Hasen,
Chod Kar Hum Madina Na Jayen Kahin,
Yun To Jannat Mein Sab Hai Madina Nahin,
Aur Jannat Madine Mein Maujood Hai,

Besaharon Ko Seene Se Lipta Liya,
Jisne Jo Manga Usko Ata Kar Diya,
Woh Fakiron Ke Afsar Shahe Ambiya,
Wo Shahenshah Madine Mein Maujood Hai