Hota Agar Zameen Par Saya Rasool Ka

Hota Agar Zameen Par Saya Rasool Ka 
Fir Paaun Ummati Kaha Rakhta Rasool Ka 

Karte Hain Ehteram Hum Janaze Ka Isliye 
Wo Ja Raha Hai Dekhne Chehra Rasool Ka 

Hota Agar Zameen Par Saya Rasool Ka 

Duniya Ko Dekhna Bhi Gawara Nahi Kiya
Jab Tak Ali Ne Dekha Na Chehra Rasool Ka

Hota Agar Zameen Par Saya Rasool Ka 

Shere Khuda Na Banta To Banta Bhi Aur Kya
Bachpan Se Hi Jo Pala Hua Tha Rasool Ka

Hota Agar Zameen Par Saya Rasool Ka 

Padhte Hain Yun To Gair Bhi Kalma Rasool Ka 
Jannat Usse Mile Gi Jo Hoga Rasool Ka 

Hota Agar Zameen Par Saya Rasool Ka 

Nara Raza Ka Lagta Hai Duniya Me Isliye 
Mere Raza Ke Lab Pe Tha Nara Rasool Ka 

Hota Agar Zameen Par Saya Rasool Ka 
Fir Paaun Ummati Kaha Rakhta Rasool Ka