Bheeni Suhani Subh Mein Thandak Jigar Ki Hai Lyrics In English

Bheeni Suhani Subh Mein Thandak Jigar Ki Hai,
Kaliyaan Khili Dilon Ki Hawa Ye Kidhar Ki Hai

Khubti Huwi Nazar Mein Adaa Kis Sahar Ki Hai,
Chubhti Huwi Jigar Mein Sadaa Kis Gajar Ki Hai

Daalein Hari Hari Hai To Bailein Bhari Bhari,
Kishte Amal Pari Hai Ye Barish Kidhar Ki Hai

Hum Jaye Aur Qadam Se Lipat Kar Haram Kahe,
Sounpa Khuda Ko Ye Azmat Kis Safar Ki Hai // Fix

Hum Girde Kaaba Phirte The Kal Tak Aur Aaj Woh,
Hum Par Nisaar Hai Ye Iradat Kidhar Ki Hai

Kalik Jabeen Ki Sajdaae Dar Se Chudaaoge,
Mujh Ko Bhi Le Chalo Ye Tamanna Hajar Ki Hai

Dooba Huwa Hai Shouq Mein Zam Zam Aur Aankh Se,
Jhaale Baras Rahe Hai Ye Hasrat Kidhar Ki Hai

Barsa Ke Jaane Walo Pa Gaouhar Karu Nisaar,
Abre Karam Se Arz Ye Mizaabe Zar Ki Hai

Aagoosh E Shouq Khole Hai Jin Ke Liye Hateem,
Woh Phir Ke Dekhte Nahi Ye Dhun Kidhar Ki Hai

Haan Haan Rahe Madina Hai Ghafil Zara Tu Jaag,
Wo Paav Rakhne Wale Ye Jaan Chashmon Sar Ki Hai

Waaru Qadam Qadam Pa Ka Har Dam Hai Jaane Nao,
Ye Raahe Jaan Fiza Mere Moula Ke Dar Ki Hai

Ghadiya Gini Hai Barso Ke Ye Shubh Ghadi Phiri,
Marmar Ke Phir Ye Sil Mere Seene Se Sar Ki Hai

Allaho Akbar Apne Qadam Aur Ye Khaake Pak,
Hasrat Malaika Ko Jahaan Wazaye Sar Ki Hai

Mearaj Ka Sama Hai Kaha Pahonchey Zaeroo,
Kursi Se Onchi Kursi Usi Pak Ghar Ki Hai

Ushhaq Rouza Sajde Mein Suye Haram Jhuke,
Allah Jaanta Hai Ke Niyyat Kidhar Ki Hai

Ye Ghar Ye Dar Hai Uska Jo Ghar Dar Se Paak Hai,
Muzhdah Ho Begharo Ke Salaa Achchey Ghar Ki Hai

Mehboobe Rabbe Arsh Hai Is Sabz Qubba Mein,
Pahlu Mein Jalwa Gah Ateeqo Umar Ki Hai

Chaye Malaika Hai Lagaatar Hai Durood,
Badle Hai Pahre Badli Mein Barish Durar Ki Hai

Sadayn Ka Qiraan Hai Pahluye Maah Mein,
Jhurmut Kiye Hai Taare Tajalli Qamar Ki Hai

Sattar Hazaar Subh Mein Sattar Hazaar Shaam,
Yun Bandagiye Zulfo Rukh Aatho Pahar Ki Hai

Jo Ek Baar Aye Dobara Na Ayenge,
Rukhsat Hi Bargah Se Bas Is Qadar Ki Hai

Tadpa Kare Badal Ke Phir Aana Kaha Naseeb,
Bey Hukm Kab Majaal Parinde Ko Par Ki Hai

Aye Waye Beikasiye Tammana Ke Ab Ummeed,
Din Ko Na Shaam Ki Hai Na Shab Ko Sahar Ki Hai

Ye Badliyan Na Ho To Karooron Ki Aas Jaye,
Aur Bargaahe Marhamate Aaam Tar Ki Hai

Masoom Ko Hai Umr Mein Sirf Ek Bar Bar,
Aasi Padey Rahe To Sila Umar Bhar Ki Hai

Zinda Rahe To Haazriye Baargaah Naseeb,
Mar Jaye To Hayaate Abad Aysh Ghar Ki Hai

Moflis Aur Aiseya Dar Se Phire Beghani Huve,
Chandi Har Ek Tarah To Yaha Gadiya Gar Ki Hai

Jaana Pe Takiya Khaak Nihali Hai Dil Nihaal,
Han Be-Nawao Khoob Ye Sorat Guzar Ki Hai

Hai Chatro Takht Saya-E Dewaaro Khaake Dar,
Shaho Ko Kab Naseeb Ye Dhaj Karro Far Ki Hai

Iss Paak Ku Mein Khaak Ye Basar Sar-Ba-Khaak Hai,
Samjhe Hai Kuch Yahi Jo Haqiqat Basar Ki Hai

Kyo Taajdaaro! Khwaab Mein Dheki Kabi Ye Shai,
Jo Aaj Jholiyon Mein Gadhayaane Dar Ki Hai

Jaaru-Kasho Mein Chehre Likhe Hai Mulook Ke,
Wo Bhi Kaha Naseeb Faqat Naam Bhar Ki Hai

Taiba Mein Mar Ke Thande Chale Jaav Aankhe Bandh,
Seedhi Sadak Ye Shahre Shafa’t Nagar Ki Hai

Aasi Bhi Hai Chahitey Ye Taiba Hai Zahido!
Makka Nahi Ke Jaanch Jaha Khair O Shar Ki Hai

Shaane Jamaal Taiba Jana Hai Nafa Mahaz
Wusat Jalale Makka Mein Soodo Zar Ki Hai

Kaba Hai Beshak Anjum-Aara Dulhan Magar,
Saari Bahar Dhulhano Mein Dulha Ke Ghar Ki Hai

Kaba Dhulhan Hai Turbate AtHHar Nayi Dulhan,
Ye Rashk E Aftaab Wo Gairat Qamar Ki Hai

Dono Bani Sajeeli Aneeli Bani Magar,
Jo Pey Ke Paas Hai Wo Suhagan Kunwar Ki Hai

Sar Sabze Wasl Ye Hai Siyaa Poshey Hijr Wo,
Chamki Dupatto Se Hai Jo Haalat Jigar Ki Hai

Ma Wo Shuma To Kya Ke Khaleel E Jaleel Ko,
Kal Dhekna Ki Unse Tamanna Nazar Ki Hai

Apna Sharaf Dua Se Hai Baaki Raha Kabool,
Ye Jaane Unke Haath Mein Kunji Asar Ki Hai

Jo Chahey Unse Maang Ki Dono Jahaan Ki Khair,
Zar Na-Khareeda Ek Kaneez Unke Ghar Ki Hai

Roomi Ghulam Din Habshi Baandiyan Shabe,
Ginti Kaneez Zaado Mein Shaamo Sahar Ki Hai

Itna Ajab Bulandiye Jannat Pe Kisliye,
Dekha Nahi Ke Bheek Ye Kis Unchey Ghar Ki Hai

Arshe Bari Pe Kyo Na Ho Firdous Ka Dimaag,
Utri Huvi Shabeeh Tere Baamo Dar Ki Hai

Wo Khuld JisMein Utregi Abrar Ki Baraat,
Adna Nichawar Uss Mere Dulha Ke Sar Ki Hai

Amber Zameen Abeer Huwa Mushk-Tar Gubaar,
Adna Si Ye Shanaakhat Teri Rahguzar Ki Hai

Sarkaar Hum Gawaro Mein Tarze Adab Kaha,
Humko To Bas Tameez Yahi Bheek Bhar Ki Hai

Maangenge Maange Jayenge Muh Maangi Payenge,
Sarkar Mein Na Laa Hai Na Hajat Agar Ki Hai

Uff Be-Hayayiaa Ke Ye Muh Aur Tere Huzoor,
Ha Tu Kareem Hai Teri Khu Dar Guzar Ki Hai

Tujh Se Chupau Muh To Karu Kiske Saamne,
Kya Aur Bhi Kisi Se Tawaqqo Nazar Ki Hai

Jaavu Kaha Pukaru Kisey Kiska Muh Taku
Kia Pursish Aur Ja’ Bhi Sagey Be-Hunar Ki Hai

Baab E Ata To Ye Hai Jo Bahka Idhar Udhar,
Kaisi Kharaabi Uss Nagharey Dar-Ba-Dar Ki Hai

Aabad Ek Dar Hai Tera Aur Tere Siwa,
Jo Baargah Dekhiye Ghairat Khandar Ki Hai

Laab Wa Hai Aankhey Bandh Hai Phayli Hai Jholiya,
Kitne Maaze Ki Bheek Tere Paak Dar Ki Hai

Ghera Andheriyo Ne Duhee Hai Chand Ki,
Tanha Hu Kaali Raat Hai Manzil Khatar Ki Hai

Kismat Mein Laakh Pech Ho Sau Bal Hazaar Kaj,
Ye Saari Ghutthi Ik Teri Seedhi Nazar Ki Hai

Aisi Bandhi Naseeb Khule Mushkile Khuli,
Dono Jaha Mein Dhoom Tumhari Kamar Ki Hai

Jannat Na De Na De Teri Ruyat Ho Khair Se,
Is Ghul Ke Aage Kisko Hawas Bargh-O-Bar Ki Hai

Sharbat Na De Na De To Kare Baat Lutf Se,
Ye Shahad Ho To Phir Kise Parwa Shakar Ki Hai

Main Khana-Zaad Kohna Hu Surat Likhi Huwi,
Bando Kaneezo Mein Mere Madar Pedar Ki Hai

Mangta Ka Haath Uth-Te Hi Daata Ki Dayn Thi,
Doori Qubool O Arz Mein Bas Haath Bhar Ki Hai

Sanki Wo Dekh Baade Shafat Ki De Hawa,
Ye Aabru Raza Tere Damaan E Tar Ki Hai