Bagh Jannat Ke Hain Behre Madha Khwan Ahl E Bait Lyrics In English

Bagh Jannat Ke Hain Behre Madha Khwan Ahl-E-Bait,
Tum Ko Muzda Naar Ka, Aye Dushmanane Ahl-E-Bait

Unke Ghar Toh Be Ijazat Jibrail Aate Nahi,
Qadr Waale Jante Hai Qadr O Shaan E Ahl-E-Bait

Unki Paaki Ka Khuda-E-Pak Karta Hai Bayaan,
Aya-E-Tatheer Se Zahir Hai Shaan E Ahl-E-Bait

Ghar Lutana Jaan Dena Koi Tujse Seekh Jaaye,
Jaan E Alam Ho Fida Aye Khandan E Ahl-E-Bait

Ahl-E-Bait E Pak Se Ghustakhiya Bebakiya,
Lanatullahi Alaikum Dushmanane Ahl-E-Bait

Be Adab Gustakh Firqe Ko Suna De Aye Hasan,
Yu Kaha Karte Hain Aashiq Dastaan E Ahl-E-Bait

Bagh Jannat Ke Hain Behre Madha Khwan Ahl-E-Bait,
Tum Ko Muzda Naar Ka, Aye Dushmanane Ahl-E-Bait

Kis Zaban Se Ho Bayan Izzo Shaane Ahl-E-Bait,
Madhago E Mustafa Hai Madha Khwane Ahl-E-Bait,

Mustafa Izzat Badhane Ke Liye Tazeem Dein,
Hai Buland Iqbal Tera Doodh Maane Ahl-E-Bait

Apna Sauda Bech Kar Bazar Suna Kar Gaye,
Kaun Si Basti Basai Taajiran E Ahl-E-Bait

Ramz Ka Maidaan Bana Hai Jalwagah E Husno Ishq,
Karbala Mein Ho Raha Hai Intehane Ahl-E-Bait

Fool Zakhmon Ke Khilaye Hain Hawa-E-Dost Ne,
Khoon Se Sincha Gaya Hai Gulsitane Ahl-E-Bait

Hoorein Karti Hain Aroosane Shahadat Ka Singar,
Khubroo Dulha Bana Hai Har Jawan E Ahl-E-Bait

Jumma Ka Din Hai Kitabein Zist Ki Tay Kar Ke Aaj,
Khelte Hain Jaan Par Shehzad-Gane Ahl-E-Bait

Ae Shabab-E-Fasle Ghul Ye Chal Gayee Kaisi Hawa,
Kat Raha Hai Leh-Lahata Bustan-E-Ahl-E-Bait

Kis Shaqee Ki Hai Hukumat Haaye Kya Andher Hai,
Din Dahade Lut Raha Hai Karwane Ahl-E-Bait

Khushk Ho Jaa Khak Ho Kar Khaak Mein Mil Ja Furaat,
Khaak Tuj Par Dekh Toh Sukhi Zabane Ahl-E-Bait

Khaak Par Abbaso Usmaan-E-Alam Bardar Hain,
Be Kasi Ab Kaun Uthayega Nishane Ahl-E-Bait

Teri Kudrat Janwar Tak Aabse Sehraab Hain,
Pyas Ki Shiddat Mein Tadpe Be Zaban-E-Ahl-E-Bait

Kafila Salaar Manzil Ko Chale Hain Sonp Kar,
Waaris-E-Bewarisaan Ko Karwan-E-Ahl-E-Bait

Fatima Ke Ladle Ka Aakhri Deedar Hai,
Hashr Ka Hangama Barpaa Hai Mayan-E-Ahl-E-Bait

Wakt-E-Akhir Keh Raha Hai Khak Mein Milta Suhag,
Lo Salam-E-Akhari Ae Dewgane Ahl-E-Bait

Kis Maze Ki Lazzatein Hain Aabe Taeg-E-Yaar Mein,
Khaak Khoon Mein Laut Te Hain Tishnagane Ahl-E-Bait

Baag-E-Jannat Chod Kar Aaye Hain Mehboob-E-Khuda,
Ae Zahe Kismat Tumhari Pushtagane Ahl-E-Bait

Hoorein Beparda Nikal Aayee Hain Sar Khole Hue,
Aaj Kaisa Hashr Hai Barpa Mayan-E-Ahl-E-Bait

Koi Kyun Puchhe Kisi Ko Kya Garaz Aye Be-Kasee,
Aaj Kaisa Hai Mareez-E-Neem Jaane Ahl-E-Bait

Ghar Lutana Jaan Dena Koi Tujse Sikhle,
Jaan-E-Alam Ho Fida Aye Khandan-E-Ahl-E-Bait

Sar Shahidan-E-Muhabbat Ke Hain Naizon Par Buland,
Aur Unchi Ki Khuda Ne Kadro Shaane Ahl-E-Bait

Daulat-E-Deedar Payi Paak Jaane Bech Kar,
Karbala Mein Khub Hi Chamki Dukan-E-Ahl-E-Bait

Zakhm Khaane Ko , Aab-E-Tayg Pine Ko Diya,
Khub Dawat Ki Bula Kar Dushmanan-E-Ahl-E-Bait

Ho Gayi Tehqeeq Eid-E-Deed Aab-E-Tayg Se,
Apne Roze Khaulte Hain Saeeman-E-Ahl-E-Bait

Bagh Jannat Ke Hain Behre Madha Khwan Ahl-E-Bait,
Tum Ko Muzda Naar Ka, Aye Dushmanane Ahl-E-Bait,

Unke Ghar Toh Be Ijazat Jibrail Aate Nahi
Qadr Waale Jante Hai Qadr O Shaan E Ahl-E-Bait

Mustafa Izzat Badhane Ke Liye Tazeem Dein,
Hai Buland Iqbal Tera Doodman E Ahl-E-Bait