alwida! Alwida! Alwida! Alwida!
Alwida! Alwida! Alwida! Alwida!

Le Ke Sab Rehmaten, Le Ke Sab Barkaten
Maah-e-ramzaan Chala, Alwida Alwida
Ashk Momin Ki Aankhon Se Behne Lage
Aur Dil Ro Diya, Alwida Alwida

le Ke Sab Rehmaten, Le Ke Sab Barkaten
Maah-e-ramzaan Chala, Alwida Alwida

ham Gunahgaar Hain, Ham KHata-kaar Hain
Ham Ko Manzoor Hai, Ham Saza-waar Hain
Ham Se Taazeem Teri Nahin Ho Saki
Aur Tu Chal Diya, Alwida Alwida

le Ke Sab Rehmaten, Le Ke Sab Barkaten
Maah-e-ramzaan Chala, Alwida Alwida

jaise Rakhne The Roze, Nahin Rakh Sake
Ham Ibaadat Ki Lazzat Nahin Chakh Sake
Mauqa Allah Ne Jo Diya Tha Hamen
Ham Ne Wo Kho Diya, Alwida Alwida

le Ke Sab Rehmaten, Le Ke Sab Barkaten
Maah-e-ramzaan Chala, Alwida Alwida

tere Aane Se Raunaq Jahaan Men Hui
Raushni Ik Zameen-aasmaan Men Hui
Ham Ko Jannat Milegi Tere Faiz Se
Shukriya Shukriya, Alwida Alwida

le Ke Sab Rehmaten, Le Ke Sab Barkaten
Maah-e-ramzaan Chala, Alwida Alwida

ham Ibaadat Men Aage BaDh Na Sake
Dil Laga Kar Taraawih PaDh Na Sake
Ham Namaazon Se Gaafil Rahe Jaan Kar
Jurm Ham Se Huaa, Alwida Alwida

le Ke Sab Rehmaten, Le Ke Sab Barkaten
Maah-e-ramzaan Chala, Alwida Alwida

tere Dam Se Thi Iftaar Ki Nematen
Waqt-e-sehri Thi Anwaar Ki Nematen
Rehmaton Ki GhaTa Chhaai Thi Har Taraf
Har Taraf Noor Tha, Alwida Alwida

le Ke Sab Rehmaten, Le Ke Sab Barkaten
Maah-e-ramzaan Chala, Alwida Alwida

kitne Logon Ne Quraan Poora PaDha
Sachcha Momin To Jannat Ki SeeDhi ChaDha
Jis Ne Jitni Ibaadat Ki Allah Ki
Utna Aage BaDha, Alwida Alwida

le Ke Sab Rehmaten, Le Ke Sab Barkaten
Maah-e-ramzaan Chala, Alwida Alwida

ham To Masroof Duniya Ke Kaamon Men Hain
Phir Bhi Ham Mustafa Ke Gulaamon Men Hain
Ham To Roze Ka Bhi Kar Na Paae Lihaaz
Thi Hamaari KHata, Alwida Alwida

le Ke Sab Rehmaten, Le Ke Sab Barkaten
Maah-e-ramzaan Chala, Alwida Alwida