Taiba Hai Hamara, Taiba Hai Hamara
Taiba Hai Hamara, Taiba Hai Hamara

Deewane Lage Kehne Dil O Jaan Se Pyara,
Behta Hai Jahan Charon Taraf Noor Ka Dhara

Taiba Hai Hamara, Taiba Hai Hamara

Hai Sahr-E-Madina Mein Ajab Kaif Ka Aalam,
Rehmat Ki Wahan Hoti Hai Barsat Jhama Jham,
Aaram Jahan Karte Hain Sultan-E-Do Aalam,
Hota Hai Wahin Char Soo Jannat Ka Nazara

Taiba Hai Hamara, Taiba Hai Hamara

Bu-Zahel Ki Mutthi Mein Hai Kya Cheez Bata Den,
Aur Aasman Ke Chaand Ko Do Tukde Bana Den,
Bejaan Kankaro Ko Bhi Jo Kalma Padha Den,
Jis Saher Mein Chamka Hai Muqaddar Ka Sitaara

Taiba Hai Hamara, Taiba Hai Hamara

Sarkar Ki Aamad Pe Hai Masroor Zamaana,
Har Lab Pe Hai Aaqa E Do Aalam Ka Taraana,
Ab Mare Khushi Jhoomkar Kehta Hai Deewana,
Hai Khulde Bari Ka Jahan Pur Kaif Nazaara,

Taiba Hai Hamara, Taiba Hai Hamara

Muddat Se Jo Thi Pyaas Lagi Pyaas Bhujaya,
Shabbir Ne Karbal Ko Lahoo Apna Pilaya,
Nana Ki Shariyat Ke Liye Sar Ko Kataya,
Jisko Mila Hai Sirf Bahattar Ka Sahara

Taiba Hai Hamara, Taiba Hai Hamara

Sarkar Ne Lakdi Ko Bhi Talwar Banaya,
Kadmon Ke Isharo Se Darkhton Ko Bulaya,
Doobe Huye Suraj Ko Bhi Ek Pal Mein Phiraya,
Haider Hai Wohi Aamina Bibi Ka Dulara

Taiba Hai Hamara, Taiba Hai Hamara
Taiba Hai Hamara, Taiba Hai Hamara