Tumhara Naam Musibat Mein Jab Liya Hoga Lyrics In English

Written By

Editors Desk
Addednot available

visibilityviews
comment comments
thumb_up0 likes
shareShare

Title : Tumhara Naam Musibat Mein Jab Liya Hoga

Category : Naat Lyrics

Writer/Lyricist : Various/Unknown

Naatkhwan/Artist : Owais Raza Qadri

Added On : 07 Aug, 2023 09:04 AM IST

Time to read: 3 min read

translate Select Lyrics Language:

English Urdu Hindi

Tumhara Naam Musibat Mein Jab Liya Hoga
Hamara Bigda Huwa Kaam Bann Gaya Hoga

Gunahgaar Pe Jab Lutf Aapka Hoga
Kiya Bagair Kiya Be-Kiya Kiya Hoga

Khuda Ka Lutf Huwa Hoga Dastageer Zaroor
Jo Girte Girte Tera Naam Le Liya Hoga

Dikhayi Jayegi Mehshar Mein Shaan E Mehboobi
Ke Aap Hi Ki Khushi Aapka Kaha Hoga

Khuda E Paak Ki Chahenge Agle Pichle Khushi
Khuda E Paak Khushi Unki Chahta Hoga

Kisi Ke Paanv Ki Bedi Ye Kaat-te Honge
Koyi Aseer E Gham Unko Pukarta Hoga

Kisi Taraf Se Sada Aayegi Huzoor Aao
Nahi To Damm Mein Ghareebo Ka Faysla Hoga

Kisi Ke Palle Pe Ye Honge Waqt E Wazn E Amal
Koyi Ummeed Se Muh Unnka Tak Raha Hoga

Koyi Kahega Duhayi Hai Ya RasoolAllah
To Koyi Thaam Ke Daman Machal Gaya Hoga

Kisi Ko Le Ke Chalenge Firishte Suwe Jaheem
Woh Unka Raasta Phir Phir Ke Dekhta Hoga

Shikashta Pa Hu Mere Haal Ki Khabar Kar Do
Koyi Kisi Ye Ro Ro Ke Keh Raha Hoga

Khuda Ke Waaste Jald Unse Arz E Haal Karo
Kise Khabar Hai Ke Damm Bhar Mein Haaye Kya Hoga

Pakad Ke Haath Koyi Haal E Dil Sunayega
To Ro Ke Qadmo(n) Se Koyi Lipat Gaya Hoga

Zaban Sukhi Dikha Kar Koyi Lab E Kausar
Janaab E Paak Ke Qadmo Pe Gir Gaya Hoga

Nishaan E Khushrave Di Door Ki Ghulamo Ko
Liwaye Hamd Ka Parcham Bata Raha Hoga

Koyi Qareeb E Tarazu Koyi Lab E Kausar
Koyi Siraat Se Unko Pukaarta Hoga

Ye Beqaraar Karegi Sadaa Ghareebo Ki
Muqaddas Aankhon Se Taar Ashq Ka Bandha Hoga

Wo Paak Dil Ke Nahi Jisko Apna Andesha
Hujoom E Fiqr O Taraddud Mein Ghir Gaya Hoga

Hazaar Jaan Fida Narm Narm Pau Se
Pukaar Sun Ke Aseero(n) Ki Daudta Hoga

Azeez Bachhe Ko Maa(n) Jis Tarah Talaash Kare
Khuda Gawah Wahi Haal Aapka Hoga

Khudayi Bhar Inhi Haathon Ko Dekhti Hogi
Zamana Bhar Inhi Qadmo(n) Pe Laut-ta Hoga

Bani Hai Damm Pe Duhayi Hai Taaj Waale Ki
Ye Ghul Ye Shour Ye Hungame Ja-Ba-Ja Hoga

Maqaam Faasilo(n) Par Kaam Mukhtalif Itne
Ye Din Zuhoor E Kamaal E Huzoor Ka Hoga

Kahenge Aur Nabi “Iz Habu Ila Gayri”
Mere Huzoor Ke Lab Par “Ana Laha” Hoga

Dua E Ummate Badkaar Wird E Lab Hogi
Khuda Ke Saamne Sajdeh Mein Sarr Jhuka Hoga

Ghulam Unki Inayat Se Chayn Mein Honge
Aduu Huzoor Ka Aafat Mein Mubtala Hoga

Main Unke Dar Ka Bhikari Hu Fazl E Maula Se
Hasan Faqeer Ka Jannat Mein Bistara Hoga

wand_stars

Lyrics Explanation, Word Meanings & Summary

keyboard_arrow_down

Ye Naat-e-Paak Huzoor ﷺ ki shafa'at (intercession) aur unke dunya o akhirat mein karam ka bayan hai, jismein bataya gaya hai ki qayamat ke mushkil tareen waqt mein jab sab saath chhod denge, tab sirf Huzoor ﷺ hi apni ummat ki madad farmayenge.

Lyrics Explanation

Is lyrics ka matlab hai ki musibat ke waqt Huzoor ﷺ ka naam lene se har bigda kaam ban jata hai. Shayer kehta hai ki qayamat ke din (Mehshar mein) jab gunahgaron ko farishte jahannam ki taraf le ja rahe honge, tab Huzoor ﷺ ek maa ki tarah tadap kar apne ghulamo ko dhoondenge aur unki bakhshish karwayenge.

Word Meanings (Shabd-Arth)

Word	Meaning (English/Hindi)
Dastageer	Helper / Haath pakadne wala
Aseer-E-Gham	Prisoner of sorrow / Gham ka mara
Suwe Jaheem	Towards Hell / Jahannam ki taraf
Lab-E-Kausar	Bank of the Kausar river / Hauz-e-Kausar ka kinara
Andesha	Fear / Worry / Chinta
Ana Laha	"I am for it" (Huzoor's words) / "Main hoon shafa'at ke liye"
Aduu	Enemy / Dushman
Rawa	Acceptable / Jayez / Poora hona

Summary (Saar)

Qayamat ke din jab bade-bade nabi "Izhabu Ila Ghayri" (kisi aur ke paas jao) kahenge, tab mere Huzoor ﷺ "Ana Laha" keh kar ummat ki shafa'at farmayenge. Shayer 'Hasan' (Hasan Raza Khan) kehte hain ki nabi-e-kareem ke isi raham-o-karam ki badaulat un jaise mangte ka thikaana jannat mein zaroor hoga.

Qayamat ke din jab baaki nabi "Izhabu Ila Ghayri" kahenge, tab Huzoor ﷺ ke mubarak labon par kaun se alfaaz honge?