Allah Allah Woh Husain Mustafa Ka Noor E Aaen

Suye Karbal Hua Jo Rawana,
Woh Hai Maola Ali Ka Gharana

Deen Ke Kafile Ka Woh Salar Hai,
Ghar Ka Ghar Jo Lootane Ko Tayyar Hai

Lab Pe Quraan Hai Sar Zere Talvar Hai,
Jannati Nawjawano Ka Sardar Hai

Kitna Aala Hai Makam Woh Shahido Ka Imam,
Malike Khuld Hai Jiska Nana....

Woh Hai Maola Ali Ka Gharana

Apne Nana Ka Vada Nibhane Chala,
Zulm Ki Aandhiyon Ko Mitane Chala

Deke Sar Hath Apna Bachane Chala,
Chad Ke Neze Pe Quraan Sunane Chala

Kaisi Hogi Uski Shan Jiske Nana Hai Sultan,
Jiski Har Ek Ada Fathehana....

Woh Hai Maola Ali Ka Gharana

Eid Ke Din Husain Aur Hasan Ne Kaha,
Ammi Jaan Aaj Hum Dono Pehenege Kya
Fatima Ro Padi Hukm Rab Ka Hua,
Jode Jannat Se Leke Jibrael Jaa
Bage Jannat Ka Hai Phool Woh Nawasae Rasool,
Kaise Pahenega Kapda Purana....

Woh Hai Maola Ali Ka Gharana

Lehlahaye Na Kyun Deen Ka Yeh Chaman,
Isko Seeche Huye Hai Shahe Zulmanan
Phir Ali Fatima Aur Husain O Hasan,
Wajah Takhliqe Aalam Hai Yeh Panjatan
Kitna Aala Hai Ghar Bar Jis Pe Duniya Hai Nisar,
Jiske Kadmo Tale Hai Zamana...

Woh Hai Maola Ali Ka Gharana