Chaman Chaman Ki Dilkashi Gulo Ki Hai Woh Taazgi Lyrics In English

...

Title : Chaman Chaman Ki Dilkashi Gulo Ki Hai Woh Taazgi

Category : Naat Lyrics

Writer/Lyricist : Asad Iqbal Kalkattavi,

Naatkhwan/Artist : Asad Iqbal Kalkattavi,

Added On : 07 Jan, 2023

Views : 28

Downloads : 1

download_for_offlinePrint/Download Lyrics play_arrowWatch On Youtube downloadDownload In Mp3/Video

translateSelect Lyrics Language:

Chaman Chaman Ki Dil-kashi
Gulon Ki Hai Woh Taazgi
Hai Chaand Jin Se Shabnami
Woh Kehkashaan Ki Raushani
Fazaaon Ki Woh Raagni
Hawaaon Ki Woh Nagmagi
Hai Kitna Pyaara Naam Bhi

Nabi Nabi Nabi Nabi, Nabi Nabi Nabi Nabi

Ye Aamad-e-bahaar Hai
Woh Noor Ki Qataar Hai
Faza Bhi Khushgawaar Hai
Hawa Bhi Mushkbaar Hai
Hawa Se Main Ne Jab Kaha
Ye Kaun Aa Gaya Bata
Hawa Pukaarti Chali

Nabi Nabi Nabi Nabi, Nabi Nabi Nabi Nabi

Zameen Bani Zamaan Bane
Makeen Bane Makaan Bane
Chuni Bane Chuna Bane
Woh Wajh-e-kun-fakaan Bane
Kaha Jo Main Ne, Ai Khuda!
Ye Kis Ke Sadqe Men Bana
To Rab Ne Bhi Kaha Yahi

Nabi Nabi Nabi Nabi, Nabi Nabi Nabi Nabi

Jo Sidra Par Nabi Gae
To Jibraeel Bole Ye
Zara Gaya Udhar Pare
To Jal Padhenge Par Mere
Nabi Hi Aage Chal Pade
Woh Sidra Se Nikal Pade
Zameen Pukaarti Rahi

Nabi Nabi Nabi Nabi, Nabi Nabi Nabi Nabi

Woh Husn-e-laa-zawaal Hai
Woh 'ishq Be-misaal Hai
Jo Charkh Ka Hilaal Hai
Nabi Ka Woh Bilaal Hai
Badan Sulagti Ret Par
Ki Tharthara Uthe Hajar
Zabaan Pe Tha Magar Yahi

Nabi Nabi Nabi Nabi, Nabi Nabi Nabi Nabi

Chale Jo Qatl Ko 'umar
Kaha Kisi Ne Rok Kar
Kahaan Chale Ho Aur Kidhar
Mizaaj Kyun Hai 'arsh Par
Zara Bahan Ki Lo Khabar
Fida Hai Woh Rasool Par
Woh Kah Rahi Hai Har Ghadi

Nabi Nabi Nabi Nabi, Nabi Nabi Nabi Nabi

Umar Chale Bahan Ke Ghar
Gazab Men Soch Soch Kar
Udaaenge Ham Un Ka Sar
Jo Hain Nabi Ke Deen Par
Suna Hai Jab Quraan Ko
Khuda Ke Us Bayaan Ko
Umar Ne Bhi Kaha Yahi

Nabi Nabi Nabi Nabi, Nabi Nabi Nabi Nabi

Woh Hijrat-e-rasool Hai
Faza-e-dil-malool Hai
Qadam Qadam Babool Hai
Qaza Ki Zad Men Phool Hai
Ali Ki Ek Zaat Hai
Ki Teg Par Hayaat Hai
Ali Ke Dil Men Bas Yahi

Nabi Nabi Nabi Nabi, Nabi Nabi Nabi Nabi

Woh Ishq Ka Husool Hai
Woh Sunniyat Ka Phool Hai
Woh Aisa Baa-usool Hai
Ki 'aashiq-e-rasool Hai
Raza Se Main Ne Jab Kaha
Ye Shaan Kis Ki Hai 'ata ?
Raza Ne Di Sada Yahi

Nabi Nabi Nabi Nabi, Nabi Nabi Nabi Nabi

Raza Ka Ye Payaam Hai
Wazeefa-e-tamaam Hai
Wahi To Nek Naam Hai
Nabi Ka Jo Gulaam Hai
Jo Aashiq-e-nabi Huwa
Khuda Ka Woh Wali Huwa
Wahi Huwa Hai Jannati

Nabi Nabi Nabi Nabi, Nabi Nabi Nabi Nabi

Madine Ki Zameen Rahe
Woh Rauza-e-haseen Rahe
Mazaar-e-shaah-e-deen Rahe
Gulaam Ki Jabeen Rahe
To Rooh Nikle Jhoom Ke
Dar-e-nabi Ko Choom Ke
Yahi Pukaarti Hui

Nabi Nabi Nabi Nabi, Nabi Nabi Nabi Nabi

Woh Jab Samaan Ho Hashr Ka
Har Ek Shakhs Jaa-ba-jaa
Azaab Men Ho Mubtala
Ki Yak-ba-yak Uthe Sada
Saraapa Noor Aa Gae
Mere Huzoor Aa Gae
To Keh Uthe Ye Ummati

Nabi Nabi Nabi Nabi, Nabi Nabi Nabi Nabi

Thaki Thaki Ruki Ruki
Kisi Tarah Dabi-lachi
Haleema-bi Ki Oontni
Jo Makke Men Pahunch Gai
The Saare Bachche Jaa Chuke
Jagah Woh Apni Paa Chuke
Bacha Tha Ek Aakhri

Nabi Nabi Nabi Nabi, Nabi Nabi Nabi Nabi

Woh Rooh Ke Tabeeb Se
Asad! Kabhi Naseeb Se
Khuda Ke Us Habeeb Se
Miloge Jab Qareeb Se
Nabi Ki Ek Zaat Hai
Jo Mamba-e-hayaat Hai
Milegi Daaimi Khushi

Nabi Nabi Nabi Nabi, Nabi Nabi Nabi Nabi
Nabi Nabi Nabi Nabi, Nabi Nabi Nabi Nabi