ye Kehti Thi Ghar Ghar Mein Jaa Kar Halema,
Mere Ghar Mein Khair-Ul-Wara Aa Gaye Hain,
Bade Auz Par Hai Mera Ab Muqaddar,
Mere Ghar Habeeb-E-Khuda Aa Gaye Hain

Uthi Chaa-soo Rahmaton Ki Ghataen,
Muattar Muattar Hain Sari Fazaen,
Khushi Mein Ye Jibreel Nage Sunaen,
Wo Shafe-E-Roz-E-Jaza Aa Gaye Hain

ye Zulmat Se Keh Do Ki Dere Utha Le,
Ki Hai Har Taraf Ab Ujale Ujale,
Kaha Jin Ko Haq Ne Sirajam-Munera,
Mere Ghar Wo Noor-E-Khuda Aa Gaye Hain

muqarab Hain Beshak Khaleel-O-Naji Bhi,
Badi Shan Wale Kalem-O-Maseh Bhi,
Liye Arsh Ne Jin Ke Qadmon Ke Bose,
Wo Ummi Laqab Mustafa Aa Gaye Hain

hai Sun Kar Sakhi Aap Ka Aastana,
Hai Daman Pasare Hue Sab Zamana,
Nawason Ka Sadqa, Nigah-E-Karam Ho,
Tere Dar Pe Tere Gada Aa Gaye Hain

Khuda Ke Karam Se Nakirain Aa Kar,
Kahenge Ziyarat Ka Muzda Suna Kar,
Utho Bahr-E-ta'zeem, Noor-Ul-Hasan Ab,
Lahad Mein Rasool-E-Khuda Aa Gaye Hain