Khwaja Piya ! Khwaja Piya !
Khwaja Piya ! Khwaja Piya !

Ajmer Ki Sundar Nagari Mein
Waliyon Ke Raaja Rahte Hain
Us Desh Ka, Yaaro ! Kya Kehna !
Jis Desh Mein Khwaja Rehte Hain

Mere Khwaja Ka Mela Aaya
Mere Khwaja Ka Mela Aaya

Zamaana Kuchh Bhi Kahe, Mera Aasraa Khwaja
Pukaartaa Hi Rahunga Hamesha, Ya Khwaja

Mere Khwaja Ka Mela Aaya
Mere Khwaja Ka Mela Aaya

Mujhe To Deen Bhi, Duniya Bhi Un Ke Dar Se Mili
Zamaane Bhar Ki Khushi Un Ke Rah-Guzar Se Mili
Qadam Qadam Pe Huye Mere Rahnuma Khwaja
Pukaartaa Hi Rahunga Hamesha, Ya Khwaja

Mere Khwaja Ka Mela Aaya
Mere Khwaja Ka Mela Aaya

Zamaana Yun Hi Toh Kehta Nahin Gareeb-Nawaaz
Tamaam Duniya Mein Hoti Hai Aaj Nazr-O-Niyaaz
Ki Faiz-E-'Aam Jo Jaari Hai Aap Ka, Khwaja !
Pukaartaa Hi Rahunga Hamesha, Ya Khwaja

Mere Khwaja Ka Mela Aaya
Mere Khwaja Ka Mela Aaya

Main Lad Raha Hun Jo Toofaan-E-Gam Ki Maujon Se
Nikal Ke Aaya Hun Bahr-E-Alam Ki Maujon Se
Hai Meri Kashti-E-Hasti Ke Naa-Khuda Khwaja
Pukaartaa Hi Rahunga Hamesha, Ya Khwaja

Mere Khwaja Ka Mela Aaya
Mere Khwaja Ka Mela Aaya

Wahi Hai Farq Sharee'at Mein Aur Tareeqat Mein
Jo Silsila Hai Aqeedat Mein Aur Mohabbat Mein
Koi Bhi Shakl Ho, Hai Is Ka Aaeenaa Khwaja
Pukaartaa Hi Rahunga Hamesha, Ya Khwaja

Mere Khwaja Ka Mela Aaya
Mere Khwaja Ka Mela Aaya

Jinhen Talaash Hai Haq Ki Woh Is Taraf Aaen
Huzoor-E-Khwaja Aqeedat Ke Phool Barsaaen
Rasool Se Hai Khuda Tak Ka Silsila Khwaja
Pukaartaa Hi Rahunga Hamesha, Ya Khwaja

Mere Khwaja Ka Mela Aaya
Mere Khwaja Ka Mela Aaya