Madine Ki Galiyan, Wo Roze Ki Jali,
Madine Ko Dekhun, Yeh Dil Keh Raha Hai,
Bulalo Aye Aaqa, Gunah Gar Ko Bhi,
Madine Ko Jaun, Yeh Dil Keh Raha Hai

Wo Masjid E Nabvi, Vo Mimbar Tumhara,
Jaha Aapne Hai, Khutba Sunaya,
Wo Noorani Masjid, Wo Noorani Mimbar,
Dekhun Main Ja Ke, Yeh Dil Keh Raha Hai

Madine Ki Galiyan, Wo Roze Ki Jali,
Madine Ko Dekhun, Yeh Dil Keh Raha Hai...

Wo Gumbad Tumhara, Jo Jannat Baqi Hai,
Wo Noorani Manzar, Wo Noorani Qabre,
Wo Vaadi Ka Manzar, Naza Mein Basake,
Main Dekhun Madina, Yeh Dil Keh Raha Hai

Madine Ki Galiyan, Wo Roze Ki Jali,
Madine Ko Dekhun, Yeh Dil Keh Raha Hai...

Wahan Ki Hawaon Mein Kushboo Tumhari,
Wahan Ki Fizaon Mein Rangat Tumhari,
Wo Noorani Galiyon Mein Noor Tumhara, 
Wahan Aa Ke Dekhun , Yeh Dil Keh Raha Hai

Madine Ki Galiyan, Wo Roze Ki Jali,
Madine Ko Dekhun, Yeh Dil Keh Raha Hai...

Jannat Baqi Mein, Wo Noorani Kabre,
Jahan Se Hai Aaqa Ka, Rojaa Hai Chamke,
Kadmon Mein Aaqa Ke Itna Maja Hai,
Wahin Dafan Hona, Yeh Dil Keh Raha Hai

Madine Ki Galiyan, Wo Roze Ki Jali,
Madine Ko Dekhun, Yeh Dil Keh Raha Hai...

Gunhaon Mein Duba, Yeh Aashiq Tumhara,
Bada Bekhabar Hai, Bada Be Sahara,
Karam Kijiye Faiz Pe Bhi Aye Aaqa,
Gunah Bakshwaoo, Yeh Dil Keh Raha Hai

Madine Ki Galiyan, Wo Roze Ki Jali,
Madine Ko Dekhun, Yeh Dil Keh Raha Hai...

Gunahgar Hun Main, Khata Kar Hun Main,
Yeh Duniya Ki Baaton, Mein Duba Hun Main,
Bacha Lo Aye Aaqa, Is Duniya Se Mujh Ko,
Mujhe Ab Bulaoo, Yeh Dil Keh Raha Hai

Madine Ki Galiyan, Wo Roze Ki Jali,
Madine Ko Dekhun, Yeh Dil Keh Raha Hai...