کچھ کریں اپنے یار کی باتیں/Kuch Karen Apne Yaar Ki Baaten Lyrics In Urdu

کچھ کریں اپنے یار کی باتیں
کچھ دل داغدار کی باتیں

ہم تو دل اپنا دے ہی بیٹھے ہیں
اب یہ کیا اختیار کی باتیں

میں بھی گزرا ہوں دور الفت سے
مت سنا مجھ کو پیار کی باتیں

اہل دل ہی یہاں نہیں کوئی
کیا کریں حال زار کی باتیں

پی کے جامِ محبت جاناں
اللہ اللہ خمار کی باتیں

مر نہ جانا متاع دنیا پر
سن کے تو مالدار کی باتیں

یوں نہ ہوتے اسیر ذلت تم
سنتے گر ہوشیار کی باتیں

ہر گھڑی وجد میں رہے اخترؔ
کیجئے اس دیار کی باتیں