پیارے آقا، سوہنے آقا، میرے آقا، پیارے آقا

جو دل سے  سید ابرار کا شیدا نہیں ہوتا
خدائے لم یزل کا وہ کبھی پیارا نہیں ہوتا

نہ پیدا کرتا کوئی چیز بھی خلاق دو عالم
دلارا آمنہ بی بی کا گر پیدا نہیں ہوتا 

جو دل سے  سید ابرار کا شیدا نہیں ہوتا
خدائے لم یزل کا وہ کبھی پیارا نہیں ہوتا

بھٹکتے دربدر کی ٹھوکریں کھاتے زمانے میں
میرے سرکار نے ہم کو جو اپنایا نہیں ہوتا 

جو دل سے  سید ابرار کا شیدا نہیں ہوتا
خدائے لم یزل کا وہ کبھی پیارا نہیں ہوتا

سدا رہتا ہے اُس کے بخت کا تارا بُلندی پر
نبی کا چاہنے والا کہیں رسوا نہیں ہوتا 

جو دل سے  سید ابرار کا شیدا نہیں ہوتا
خدائے لم یزل کا وہ کبھی پیارا نہیں ہوتا

سر محشر کہاں پہچانے جاتے ہم اگر رب نے
شه دیں کی غلامی کا شرف بخشا نہیں ہوتا 

جو دل سے  سید ابرار کا شیدا نہیں ہوتا
خدائے لم یزل کا وہ کبھی پیارا نہیں ہوتا

بھلا خالی گیا ہے کون اُن کے در سے بتلاؤ
نبی کے در پہ کس کا مدعا پورا نہیں ہوتا

جو دل سے  سید ابرار کا شیدا نہیں ہوتا
خدائے لم یزل کا وہ کبھی پیارا نہیں ہوتا

میری بھی قبر میں جلوہ نما ہوں گے میرے آقا
میرا دل سوچ کر یہ بات رنجیدہ نہیں ہوتا

جو دل سے  سید ابرار کا شیدا نہیں ہوتا
خدائے لم یزل کا وہ کبھی پیارا نہیں ہوتا

ذلیل و خوار ہو جاتا گناہوں کے سبب وللہ
بروز حشر مجھ پر لُطف گر اُن کا نہیں ہوتا 

جو دل سے  سید ابرار کا شیدا نہیں ہوتا
خدائے لم یزل کا وہ کبھی پیارا نہیں ہوتا

نہ ہوتی اس قدر اُن میں درخشانی کبھی ارشد
جو مہر و ماہ میں سرکار کا جلوہ نہیں ہوتا 

جو دل سے  سید ابرار کا شیدا نہیں ہوتا
خدائے لم یزل کا وہ کبھی پیارا نہیں ہوتا

پیارے آقا، سوہنے آقا، میرے آقا، پیارے آقا