aaKHiri Roze Hai.n, Dil Gamnaak, Muztar Jaan Hai
Hasrata Wa-hasrata ! Ab Chal Diya Ramzaan Hai

'aashiqaan-e-maah-e-ramzaa.n Ro Rahe Hai.n PhooT Kar
Dil Ba.Da Bechain Hai, Afsurda Rooh-o-jaan Hai

Dard-o-riqqat Se Pachhaa.De.n Khaa Ke Rota Hai Koi
To Koi Tasweer-e-Gam Ban Kar Kha.Da Hairaan Hai

Al-firaaq, Aah ! Al-firaaq, Ai Rab Ke Mehmaa.n ! Al-firaaq
Al-wadaa'a Ab Chal Diya Tu, Ai Mah-e-ramzaan ! Hai

Daastaan-e-Gam Sunaae.n Kis Ko Ja Kar Aah ! Ham
Ya Rasoolallah ! Dekho Chal Diya Ramzaan Hai

KHoob Rota Hai, Ta.Dapta Hai Gam-e-ramzaan Me.n
Jo Musalmaa.n Qadr-daan-o-'aashiq-e-ramzaan Hai

Waqt-e-iftaar-o-sahar Ki Raunaqe.n Hongi Kahaa.n !
Chand Din Ke Baa'd Ye Saara Samaa.n Sunsaan Hai

Haae ! Sad Afsos ! Ramzaa.n Ki Na Ham Ne Qadr Ki
Be-sabab Hi BaKHsh De, Ya Rab ! Ki Tu Rahmaan Hai

Kar Rahe Hai.n Tujh Ko Ro Ro Kar Musalmaa.n Al-wadaa'a
Aah ! Ab Tu Chand Gha.Diyo.n Ka Faqat Mehmaan Hai

Assalaam, Ai Maah-e-ramzaa.n ! Tujh Pe Ho.n Laakho.n Salaam
Hijr Me.n Ab Tera Har 'aashiq Huaa Be-jaan Hai

Dast-basta Iltija Hai, Ham Se Raazi Ho Ke Jaa
BaKHshwaana Hashr Me.n, Haa.n ! Tu Mah-e-Gufraan Hai

Kaash ! Aate Saal Ho 'Attar ko Ramzaa.n Naseeb
Ya Nabi ! MeeThe Madine Me.n, Ba.Da Armaan Hai