Noor Wale Mustafa Aa Gaye Chha Gaye
Noor Wale Mustafa Aa Gaye Chha Gaye

Noor Wale Mustafa Shehre Aalam Mein Aa Gaye
Dekhte Hi Dekhte Sare Jahan Pe Chha Gaye

Noor Wale Mustafa Aa Gaye Chha Gaye

Jagmagai Hai Ye Duniya Mustafa Ke Noor Se 
Mehr Chamka, Mang Chamka, Mustafa Ke Noor Se

Noor Wale Mustafa Aa Gaye Chha Gaye

Jashne Aaqa Par Saji Galiyan Sitaron Ki Tarha
Dil Mein Khushiyan Raks Karti Hain Baharon Ki Tarha

Noor Wale Mustafa Aa Gaye Chha Gaye

Noor Wale Mustafa Aa Gaye Chha Gaye
Doston Dekho To Sahi Kaisi Galiyan Saji Hui Hain
Kaisi Ronakein Lagi Hui Hain

Har Taraf Khushiyan Hi Khushiyan Hain,
Har Taraf Jande Hi Jande Hain
Har Jagah Marhaba Ya Mustafa Ki Sadaein,
Buland Ho Rahi Hain

Marhaba Ya Mustafa Marhaba Ya Mustafa
Marhaba Ya Mustafa Marhaba Ya Mustafa

Sarkar Ki Aamad... Marhaba
Dildar Ki Aamad... Marhaba
Huzur  ki Aamad... Marhaba
Purnoor Ki Aamad... Marhaba

Marhaba Ya Mustafa Marhaba Ya Mustafa

Mubarak Ho Wo Shah Parde Se Bahar Hone Wala Hai
Gadai Ko Zamana Jiske Dar Par Aane Wala Hai
Marhaba Ya Mustafa Marhaba Ya Mustafa

Sarkar Ki Aamad... Marhaba
Dildar Ki Aamad... Marhaba
Huzur  ki Aamad... Marhaba
Purnoor Ki Aamad... Marhaba

Noor Wale Mustafa Aa Gaye Chha Gaye

Aaj To Sara Jahan Hai Noor Mein Duba Hua
Jis Taraf Dekho Sama Hai Noor Mein Duba Hua

Noor Wale Mustafa Aa Gaye Chha Gaye

Apne Donon Hathon Se Kushiyan Lutane Aa Gaye
Aa Gaye Aaqa Nayi Duniya Basane Aa Gaye

Noor Wale Mustafa Aa Gaye Chha Gaye

Aasman Par Chha Gayi Hain Rehmaton Ki Badliyan
Kaun Aaye Hain Ke Barsi Cham-chama-cham Bundiyan

Noor Wale Mustafa Aa Gaye Chha Gaye

Salam Mustafa Salam Mustafa
Salam Mustafa Salam Mustafa

Assalatu Wassalamu Alayk Ya Rasulallah
Ya Rasulallah, Apne Gulamon Ka Salam Qubul Kar Lijiye
Ya Rasulallah, Hum Gunahgaron Ka Salam Qubul Kar Lijiye
Aye Garibon Ke Waali, Salam Ho Aap Par

Salam Aye Aamina Ke Laal Aye Mehbube Subhani
Salam Aye Fakhre Maujudat Fakhre Naw E Insani
Salam Us Par Ke Jiske Ghar Mein Chandi Thi Na Sona Tha
Salam Us Par Ke Tuta Boriya Jiska Bichaona Tha
Salam Us Par Ke Jisne Bekason Ki Dastagiri Ki
Salam Us Par Ke Jisne Badshahi Mein Fakiri Ki
Salam Us Par Ke Jisne Chand Ko Do Tukde Farmaya
Salam Us Par Ke Jis Ke Hukm Se Suraj Palat Aaya

Noor Wale Mustafa Aa Gaye Chha Gaye

Noor Dayein Noor Bayein Noor Aage Piche Noor
Jurmaton Mein Noor Ke Aaye Sarapa Rang Ke Noor

Noor Wale Mustafa Aa Gaye Chha Gaye

Zindagi Bhar Naat Ki Mehfil Sajate Jayenge
Jaise Bhi Halat Hon, Unka Alam Lehrayenge

Noor Wale Mustafa Aa Gaye Chha Gaye

Barvih Ke Din Mein Jannat Ke Nazare Chha Gaye
Unke Kadmon Mein Ujagar Chand Tare Aa Gaye

Noor Wale Mustafa Aa Gaye Chha Gaye

Aa Gayi Hai Chha Gayi Hai Sabz Jandon Ki Bahar
Eid E Miladunnabi Hai Jhumon Jhumon Mere Yaar

Mere Aaqa Aaye Jhumon Mere Data Aaye Jhumon

Is Taraf Jo Noor Hai To Us Taraf Bhi Noor Hai
Zarra Zarra Sab Jahan Ka Noor Se Mamoor Hai

Mere Aaqa Aaye Jhumon Mere Data Aaye Jhumon