haal-e-dil Kis Ko Sunaae.n, Aap Ke Hote Hue
Kyu.n Kisi Ke Dar Pe Jaae.n, Aap Ke Hote Hue

Haal-e-dil Kis Ko Sunaae.n, Aap Ke Hote Hue

Mai.n Gulaam-e-mustafa Hu.n, Ye Meri Pahchaan Hai
Gam Mujhe Kyu.n-kar Sataae.n, Aap Ke Hote Hue

Haal-e-dil Kis Ko Sunaae.n, Aap Ke Hote Hue

Apna Jeena, Apna Marna Ab Isi ChaukhaT Pe Hai
Ham Kahaa.n, Sarkaar ! Jaae.n, Aap Ke Hote Hue

Haal-e-dil Kis Ko Sunaae.n, Aap Ke Hote Hue

Kah Raha Hai Aap Ka Rab, 'ant Feehim' Aap Se
Kyu.n Inhe.n Mai.n Du.n Sajaae.n, Aap Ke Hote Hue

Haal-e-dil Kis Ko Sunaae.n, Aap Ke Hote Hue

Saamne Hai, Ai 'ali Ke Laal ! Uswa Aap Ka
Kyu.n Kisi Ka KHauf Khaae.n, Aap Ke Hote Hue

Haal-e-dil Kis Ko Sunaae.n, Aap Ke Hote Hue

Mai.n Ye Kaise Maan Jaau.n ! Shaam Ke Darbaar Me.n
Chheen Le Koi Ridaae.n, Aap Ke Hote Hue

Haal-e-dil Kis Ko Sunaae.n, Aap Ke Hote Hue

Ye To Ho Sakta Nahi.n ! Ye Baat Mumkin Hi Nahi.n !
Mere Ghar Aalaam Aae.n, Aap Ke Hote Hue

Haal-e-dil Kis Ko Sunaae.n, Aap Ke Hote Hue

Kaun Hai, Altaaf ! Apna Haal-e-dil Jis Se Kahe.n
ZaKHm-e-dil Kis Ko Dikhaae.n, Aap Ke Hote Hue

Haal-e-dil Kis Ko Sunaae.n, Aap Ke Hote Hue