Main Madine Chala, Main Madine Chala,
Phir Karam Ho Gaya Main Madine Chala.

Kaif Sa Cha Gaya Main Madine Chala,
Jhoomta Jhoomta Main Madine Chala.

Mere Aaqa Ka Darr Hoga Paish-E-Nazar,
Chahiye Aur Kya Main Madine Chala.

Mere Gande Qadam Aur Unka Haram
Laaj Rakhna Khuda Main Madine Chala

Gumbad-E-Sabz Par Jab Pade Gi Nazar,
Kya Suroor Aega Main Madine Chala.

Sabz Gunbad Ka Noor Zang Kar Dega Dur,
Paye Ga Dil Jila, Main Madine Chala.

Ashk Thamte Nahi, Paon Jamte Nahi,
Ladkhadaata Hua Main Madine Chala.

Mere Siddique Umar Ho Salam Aap Par,
Aur Rehmat Sadaa Main Madine Chala.

Woh Baki Ki Zamen Jis Ke Ander Makeen,
Mere Hamza Piya Main Madine Chala.

Unka Gham Chasham-E-Tarr Aur Sauz-E-Jigar,
Ab Tou Dai Dai Khuda Main Madine Chala.

Saaqia Mai Pila Main Madine Chala,
Mast-O-Bekhud Bana Main Madine Chala.

Ae Shajar A Hajar Tum Bhi Shams-O-Qamar,
Daikho Daikho Zarra Main Madine Chala.

Daikh Taaray Mujhe, Yeh Nazaray Mujhe,
Tum Bhi Daikho Zarra Main Madine Chala.

Rooh-E-Muztar Theher Tu Nikalna Udher,
Itni Jaldi Bhi Kya Main Madine Chala.

Haath Uth’Tay Rahain Mujhko Daitay Rahain,
Woh Talab Se Siwa Main Madine Chala.

Noor-E-Haq K Hazoor Apnay Saray Kasoor,
Bakhswanay Chala Main Madine Chala.

Woh Bakee Ki Zameen Jis K Ander Makeen,
Mere Madani Zia Main Madine Chala.

Un K Minaar Par Jab Paray Gi Nazar,
Kya Saroor Aega Main Madine Chala.

Minbar-E-Noor Par Jab Uthay Gi Nazar,
Kya Saroor Aega Main Madine Chala.

Dard-E-Ulfat Milay Zauq Barhnay Lagay,
Jab Chalay Qaafila Main Madine Chala.

Kya Karega Idher Baandh Rakht-E-Safar,
Chal Obaid-E-Raza Main Madine Chala.

Kya Yeh Tu Ne Kaha A Ubaid-E-Raza,
Soch Tou Kuch Zarra Main Madine Chala.

Main Tou Bus Yoon Hi Tha Main Ki Aukaat Kya,
Qaafia Yeh Mila Main Madine Chala.

Lutf Tou Jab Milay Mujh Se Murshid Kahain,
Chal Ubaid-E-Raza Main Madine Chala.